The Definitive Guide to Living in the Capital , Cairo , Egypt

الحياة في كايرو

“صلاح” يتحدي التعليقات المتطرفة ويحتفل بالسنة الجديدة

الكريسماس دار الإفتاء رأس السنة الميلادية محمد صلاح
“صلاح” يتحدي التعليقات المتطرفة ويحتفل بالسنة الجديدة
    بواسطة
    Omar Abd-elmaqsoud

    للأسف بعد ما نشر النجم المصري العالمي ولاعب فريق ليفربول الإنجليزي “محمد صلاح” صورة ليه مع مراته وبنته “مكة” وخلفيتها كانت شجرة “الكريسماس” اتعرض لكتير من التعليقات المتطرفة والمعترضة على احتفاله بأعياد “الكريسماس” باعتباره مسلم، رغم إن دار الإفتاء أعلنت بشكل واضح إن الاحتفال بالسنة الجديدة حاجة جميلة ومش حرام.

     

     
     
     
    View this post on Instagram
     
     

     

    ????????

    A post shared by Mohamed Salah (@mosalah) on

    وكان صلاح نشر الصورة على حسابه في “إنستجرام” وكان ظاهر فيها وهو بيحضن مراته وواقف جنبهم بنتهم “مكة” وكتب تعليق عبارة عن إيموجي لشجرة الكريسماس الشهيرة.

    زي ما لاقت الصورة اعتراضات كتيره، كمان لاقت تشجيع  كبير من محبي وجمهور صلاح، وكان في مجموعة كبيرة من التعليقات اللي كانت عبارة عن تهنئة لـ “صلاح” وأسرته بالعيد والسنة الجديدة.

    الجميل إن دار الإفتاء المصرية أجازت الاحتفال والتهنئة بأعياد رأس السنة الميلادية، على اعتبار إن ده أمر مشروع ومش حرام؛ لأنه تعبير عن الفرح.

    كل سنة وكل المصريين بخير، وسنة سعيدة على أبو مكة.

    مقترح