The Definitive Guide to Living in the Capital , Cairo , Egypt

الحياة في كايرو

في أول أيام الربيع.. طقس مائل للبرودة نهارًا وأمطار خفيفة على القاهرة

أخبار الطقس في القاهرة أخبار الطقس في مصر الأحوال الجوية طقس الاثنين طقس الربيع طقس النهارده فصل الربيع
في أول أيام الربيع.. طقس مائل للبرودة نهارًا وأمطار خفيفة على القاهرة
    بواسطة
    Mohamed Talaat

    كل سنة وأنتم طيبين، النهارده أول يوم في الربيع، الفصل اللي كلنا بنبحه، واللي السندريلا سعاد حسني نفسها غنت له أجمل أغنية ونصحتنا في اليوم ده نقفل على كل المواضيع. يمكن بسبب التغير المناخي اللي بيشهده عالمنا فصل الربيع اختلف شوية، لكنه هيفضل فصل عظيم بنستناه كل سنة، وفي الموضوع ده هنعرفكم تفاصيل حالة الطقس النهارده في القاهرة وباقي المحافظات المصرية.

    كشف خبراء هيئة الأرصاد الجوية، عن حالة الطقس النهارده الاثنين 21 مارس 2022، أول أيام الربيع، وهو الفصل اللي هيستمر لمدة 3 شهور، يعني هينتهى يوم الاثنين 20 يونيو 2022.

    والطقس النهارده هيكون مائل للبرودة  نهارًا على القاهرة الكبرى والوجه البحري ودافيء على جنوب سيناء و شمال الصعيد، وبارد على  السواحل الشمالية، ومائل للحرارة على جنوب الصعيد، وهيكون الطقس شديد البرودة ليلاً على كافة الأنحاء.

    وهيشهد طقس الاثنين أمطار خفيفة إلى متوسطة على مناطق من السواحل الشمالية وشمال الوجة البحري على فترات متقطعة، وفرص أمطار خفيفة على مناطق من جنوب الوجة البحري والقاهرة الكبرى على فترات متقطعة.

    كمان هيكون فيه نشاط للرياح على مناطق القاهرة الكبرى والوجة البحري والسواحل الشمالية الغربية وجنوب سيناء وشمال الصعيد على فترات متقطعة.

    ومن المتوقع تسجل درجات الحرارة، الاثنين، على القاهرة الكبرى والوجه البحري 18 العظمى والصغرى 9، وعلى السواحل الشمالية 17 للعظمى والصغرى 9، وعلى جنوب سيناء وسلاسل جبال البحر الأحمر 24 للعظمى والصغرى 15، وعلى شمال الصعيد  22 للعظمى والصغرى 9، وعلى جنوب الصعيد 30 للعظمى والصغرى 14.

    مقترح