The Definitive Guide to Living in the Capital , Cairo , Egypt

الحياة في كايرو

في حلوان و6 أكتوبر.. شقق جديدة من الإسكان كاملة التشطيب (الأسعار والتفاصيل)

الحصول على شقة من الإسكان شقق الإسكان شقق سكنية في حلوان شقق في 6 أكتوبر شقق كاملة التشطيب طريقة الحصول على شقق الإسكان
في حلوان و6 أكتوبر.. شقق جديدة من الإسكان كاملة التشطيب (الأسعار والتفاصيل)
    بواسطة
    Mohamed Talaat

    لو كنت بتدور على شقة متشطبة بمساحة معقولة، تقدر الفترة دي تحجز في الشقق الجديدة اللي أعلن عنها الجهاز التنفيذي للمشروعات المشتركة، التابع لوزارة الإسكان، واللي هتكون في مدينة حلوان بمحافظة القاهرة، ومدينة 6 أكتوبر في محافظة الجيزة بمساحات من 75 ولحد 133 متر، والشقق دي هتكون بنظام التخصيص، وبأسبقية سداد جدية الحجز، وهتكون كاملة التشطيب والمرافق.

    في السطور الجاية هنعرفكم على تفاصيل الأسعار وطريقة التقديم بحسب تقرير نشره موقع مصراوي مؤخرًا.

     

    شقق حلوان

    الشقق هتكون في البلوك رقم (۳۱) بالمجاورة الأولى بالمجتمع السكني الجديد بحلوان.

    نظام السداد:

    1- بيتم سداد 10% من ثمن الوحدة جدية حجز عند التقدم لحجز الوحدة السكنية.

    2- بيتم سداد 15% من ثمن الوحدة دفعة تخصيص خلال 5 أيام عمل من تاريخ الحجز وممكن سدادها مع جدية الحجز.

    3- بيتم سداد 25% من ثمن الوحدة دفعة تعاقد خلال شهرين من تاريخ سداد جدية الحجز.

    4 -الـ 50% المتبقية ممكن تقسيطها على أقساط شهرية حتى (5 – 10 – 15 سنة) وفقا لرغبة العميل بفائدة تعادل ۷ % سنوية.

    5 -ويتم خصم 3% من إجمالي ثمن الوحدة في حالة السداد الفورى لثمن الوحدة.

    الأسعار:

    سعر الشقة الـ95 متر 434 ألف جنيه، والشقة الـ108 متر 493 ألف، والشقة الـ116 متر 522 ألف.

     

    شقق 6 أكتوبر

    الجهاز التنفيذي للمشروعات المشتركة بحلوان أعلن كمان عن وجود عدد محدود من الوحدات السكنية متميزة كاملة التشطيب والمرافق جاهزة للاستلام بمشروع الجهاز بالقطعة رقم (75) بمدينة 6 أكتوبر.

    نظام السداد:

    1 -جدية حجز 10% تسدد فور التقدم للحصول على وحدة سكنية.

    2 -دفعة تخصيص 15 % خلال خمسة أيام عمل من سداد جدية الحجز أو يجوز سدادها مع جدية الحجز.

    3 – دفعة إستلام 20% تسدد خلال شهرين من سداد جدية الحجز.

    4 -ثمن الوحدة المتبقى ممكن تقسيطه على أقساط شهرية حتى (5 – 10- 15 سنة) وفقا لإمكانيات ورغبة العميل وبفائدة تعادل ۷% سنوية.

    5 –هيتم منح العميل خصم 3% في حالة السداد الفوري لثمن الوحدة السكنية.

    الأسعار:

    ثمن الوحدة الـ137 متر 773 ألف جنيه، وثمن الوحدة الـ75 متر 413 ألف جنيه.

     

    طريقة الحجز:

    علشان تحجز الشقة هتروح لمقر الجهاز التنفيذي للمشروعات المشتركة في عنوان 1 شارع إسماعيل إباظة، القصر العيني، قسم السيدة زينب، محافظة القاهرة، وهناك هيتم الحصول على كراسة الشروط مقابل 300 جنيه وسداد جدية الحجز الخاصة بكل مشروع.

    مقترح