The Definitive Guide to Living in the Capital , Cairo , Egypt

الحياة في كايرو

“كلم مصر”.. أول تطبيق مصري لخدمة المصريين في الخارج

تحميل تطبيق كلم مصر تطبيق كلم مصر تطبيقات سفر للمصريين كلم مصر وزارة الدولة للهجرة وشؤون المصريين بالخارج
“كلم مصر”.. أول تطبيق مصري لخدمة المصريين في الخارج
    بواسطة
    Omar Abd-elmaqsoud

    لو بتفكروا تسافروا خارج مصر يبقى مهم يكون على تليفوناتكم تطبيق “كلم مصر“، وهو أول تطبيق مصري لخدمة المصريين في الخارج، والتطبيق أطلقته مؤخرًا وزارة الدولة للهجرة وشؤون المصريين بالخارج.

    التطبيق المهم ده بيتضمن خريطة تفاعلية بأماكن السفارات والقنصليات، باللغتين العربية والإنجليزية. وبيحتوي كمان على طرق بسيطة وسريعة للتواصل مع وزارة الهجرة، من خلال عدد من النوافذ اللي بتساعد على التواصل السلس مع الوزارات والهيئات المعنية.

    التطبيق بيتيح لمستخدميه التواصل مع وزارة الهجرة والدخول على بوابة الشكاوى الحكومية وخريطة الاستثمار الصناعي في مصر، بالإضافة لمركز الأزهر العالمي للفتوى، ودليل وزارة الدفاع للتجنيد.

    هتلاقوا في التطبيق كمان صفحة “الأسئلة والاقتراحات”، ده غير عدد مجاني من المجلة الشهرية للوزارة “مصر معاك” باللغتين العربية والإنجليزية.

    كمان هيقدر المصريين في الخارج متابعة أخبار أنشطة الوزارة من خلال صفحة الأخبار، بالإضافة إلى أن التطبيق هيتيح لمستخدميه سهولة التواصل مع السفارات المصرية داخل الدولة اللي هيكونوا موجودين فيها.

    بيتوفر التطبيق حاليًا لمستخدمي نظام التشغيل Android، وهتلاقوه على “Google Play”، وقريب هيكون متاح لمستخدمي نظام التشغيل iOS.

    لتحميل التطبيق اضغطوا هنا.

    مقترح