The Definitive Guide to Living in the Capital , Cairo , Egypt

الحياة في كايرو

“لإنها بديل صحي ومصدر مهم للطاقة”.. تفاصيل أول مهرجان دولي للتمور بحديقة الأورمان

المهرجان الدولي للتمور والمنتجات الطبيعية بلح رمضان تفاصيل مهرجان التمور تمور حديقة الأورمان منتجات طبيعية مهرجان التمور موعد مهرجان التمور
“لإنها بديل صحي ومصدر مهم للطاقة”.. تفاصيل أول مهرجان دولي للتمور بحديقة الأورمان
    بواسطة
    Mohamed Talaat

    مصر واحدة من أهم الدول اللي بتنتج تمور في العالم، وعلشان كده هيتم في شهر أبريل 2020 تنظيم المهرجان الدولي الأول للتمور والمنتجات الطبيعية، واللي بيحصل لأول مرة في مصر، تحت رعاية وزارة الزراعة، والمهرجان هيتم تنظيمه في حديقة الأورمان بالجيزة في الفترة من يوم 1 وحتى 5 أبريل 2021.

    في الموضوع ده هنعرفكم أكتر على المهرجان:

    المهرجان الأول للتمور والمنتجات الطبيعية هيكون نقطة انطلاق لدعم صناعة التمور بمشاركة 14 دولة عربية، وهيتيح فرص لاكتشاف مجالات وأسواق جديدة للمنتجين عربيًا وعالميًا، وكمان هيكون فرصة للمستهلكين علشان يعرفوا أنواع كتير من التمور اللي مش معروفة، وهيوفر منتجات التمور بأسعار رخيصة لكل الزوار، خاصة أنه هيكون قبل حلول شهر رمضان بفترة قصيرة.

    المهرجان بيهدف إنه يكون  فرصة للتبادل التجاري والخبرات بين المنتجين، وزيادة التصدير، والترويج لزراعة أنواع اقتصادية وبيع منتجات وأصناف مختلفة في السوق المصري، ونشر ثقافة الاعتماد على التمور كبديل صحي ومصدر للطاقة، واستخدام المنتجات المبتكرة من التمور زي “مسحوق التمور المجفف” كبديل صحي للسكر.

    مهرجان القاهرة الأول للتمور والمنتجات الطبيعية هيكون معرض لمنتجي التمور من كل الدول العربية، وهيتم بيع شتلات وفسائل ومستلزمات الإنتاج، وكمان هيكون فيه مسابقة لجائزة الإبداع في منتجات التمور واللي هتقدمها وزارة الزراعة، ده غير عروض وفعاليات تراثية وثقافية، ومسابقات وسحب يومي على جوائز من منتجات التمور.

    وعلشان تعرفوا تفاصيل أكتر عن المهرجان تقدروا تتابعوا صفحة الفيسبوك من هنا.

    مقترح