The Definitive Guide to Living in the Capital , Cairo , Egypt

الحياة في كايرو

لو بتحب الخضرة والأماكن المفتوحة.. 6 حدائق في القاهرة ننصحك بزيارتها

أجمل حدائق القاهرة جناين القاهرة حدائق حدائق القاهرة خروجات متنزهات
لو بتحب الخضرة والأماكن المفتوحة.. 6 حدائق في القاهرة ننصحك بزيارتها
    بواسطة
    Mohamed Talaat

    مصدر الصورة من هنا

    القاهرة مليانة حدائق مميزة، اختارنا لكم منها 6 حدائق هتساعدك تغير مودك وهتشم فيهم هواء حلو ونقي، وكمان تستمتع بجمال الخضرة.

    حديقة الأسرة

    اسم على مسمى، فهي للكبار والصغار وفيها ألعاب مختلفة بأسعار بتبدأ من 15 جنيه، وفيها نافورة راقصة ومطاعم وكافيهات تقدر تقضي فيها يوم كامل من غير ما تخرج منها لأي حاجة، وهي موجودة في مدخل الرحاب 2 – الكيلو 26 – طريق السويس وسعر التذكرة 50 جنيه.

    الحديقة اليابانية

    هي على الطراز الأسيوي، ومساحتها 10 أفدنة، وفيها بحيرات وتماثيل وأشجار مميزة، ومنطقة ملاهي فيها بحيرة تجديف للاطفال، ومكانها في شرق حلوان، شارع محمد مصطفى المراغي وسعر التذكرة 10 جنيه.

    حديقة الأورمان

    من أكبر الحدائق وأعرقها، وفيها أشجار نادرة وكمان مدينة ألعاب للأطفال، وكمان فيه كافتيريا فيها وجبات، وهي من أروع المناطق ومكانها مميز في شارع الدقي أمام جامعة القاهرة وسعر التذكرة 3 جنيه للفرد.

    حديقة الميريلاند

    دي بقى رايقة وراقية كده في نفسها، أشجار قديمة جدًا وعتيقة وضخمة، وتماثيل أثرية، ونافورة راقصة وشلالات وملاهي أطفال وملاهي وموقف سيارات وموجودة في شارع الحجاز مصر الجديدة وسعر التذكرة 20 جنيه.

    حديقة الأزهر

    من أكبر الحدائق وأفضلها وموجودة في القاهرة التاريخية بعد الغورية ومسجد الحسين ومسجد الأزهر، وفيها مطاعم وكافيتيريات وقعدات مميزة، وتقدر تقعد وسط الخضرة والمياه وسعر التذكرة 20 جنيه، ومتاحة من 9 الصبح لحد 10 بالليل.

    الحديقة الدولية

    في كل جزء جواها هيكون بيعبر عن دولة مختلفة علشان كده سميت بالحديقة الدولية، وجواها مطاعم وكافيهات وملاهي وأماكن عامة للجلوس، ومقرها في مدينة نصر وتعد من أشهر الحدائق المصرية وسعر التذكرة في الأعياد 40 جنيه.

    مقترح