The Definitive Guide to Living in the Capital , Cairo , Egypt

الحياة في كايرو

لو الدنيا زحمة مايهمكش.. 3 تطبيقات تسلكك

بيقولك تطبيقات الزحمة روح زحمة مواصلات مواصلات القاهرة وصلني
لو الدنيا زحمة مايهمكش.. 3 تطبيقات تسلكك
    بواسطة
    Omar Abd-elmaqsoud

    الزحمة ملهاش مواعيد، والطرق مالهاش كتالوج، والنزول في مشوار بقى مغامرة مش محسوبة وغالبًا كلنا بيبقى نفسنا في عصاية سحرية تنقلنا من مكان للتاني.. أو على الأقل تقول لنا أماكن الزحمة فين علشان نعرف هنخرج ولا لأ.

    حاولنا في كايرو 360 نجيبلكم حاجة تقوم بالمهمة دي، وكان أقرب حاجة للعصاية السحرية هي تطبيقات الموبايل اللي منها ممكن تعرف حالة الطرق والمرور قبل ما تتحرك من مكانك وتروح لمشوارك.. تعالوا بينا نعرف أهم التطبيقات اللي هستاعدنا نعرف حالة المرور في كل الطرق.

    بيقولك:

    واحد من أقدم وأشهر التطبيقات المتخصصة في تحديد أماكن الزحمة، والتنبيهات عن حالة الطرق بشكل عام، كانت بدايته عبارة عن صفحة على الفيسبوك، النهارده بقى تطبيق بيدلك على الأماكن والطرق اللي ممكن تمشي فيها بعيد عن الزحمة.

    الحلو في التطبيق إنه مجاني بالكامل، يعني كل المميزات اللي فيه متاحة للنسخة المجانية، ولما بنقول مميزات يبقى بنقصد الخدمات اللي بيقدمها التطبيق غير تحديد أماكن الزحمة، واللي منها حجز الأماكن في مراكز الصيانة.

    ممكن تحملوا التطبيق من Play Store للأندرويد من هنا.

    أو iOS لتليفونات الآيفون من هنا.

    وصلني:

    التطبيق ده تقدر تقول عليه كده 3 في 1، أولًا بيعرفك أقصر الطرق اللي توصلك للمكان المطلوب، وبيحفظها علشان لو هتستخدمها مرة تانية، تاني حاجة التكلفة المطلوبة للمشوار ده في حالة لو هتركب مواصلات عامة، وأخيرًا بيقولك مناطق الزحمة المرورية فين علشان تتجنبها.

    اللي معاه أندرويد ممكن يحمل البرنامج من هنا.

    روّح:

    في الحقيقة هو موقع وتطبيق في نفس الوقت، ويعتبر واحد من أفضل التطبيقات المستخدمة في معرفة وسيلة المواصلات المناسبة لكل مشوار هتروحه، يعني من الآخر دليل للمواصلات العامة داخل القاهرة، بيحدد لك المواصلة المتاحة للمكان المطلوب، بناءً على حالة المرور، فلو الدنيا زحمة هيقولك اركب مترو، ولو المترو زحمة هيقولك اركب أتوبيس، وهكذا.

    رابط التطبيق من هنا.

    مقترح