ليه بنحب وسط القاهرة؟ دول 13 سبب
أسباب حب وسط البلد أنشطة في وسط البلد ليه بنحب وسط البلد وسط البلد ملتقى ثقافي
Mohamed Talaat
يا اللي وسطك وسط كمانجا، ده كان مقطع لأغنية قديمة بيوصف فيها المغني جمال حبيبته من خلال وسطها، وعلشان كده وسط البلد هي أجمل حاجة في القاهرة لأسباب كتير جدًا، وكل واحد فينا عنده سبب مختلف لحب وسط القاهرة، وعلشان إحنا في كايرو 360 بنعشق وسط القاهرة، هنقول لكم خلال السطور اللي جاية على 13 سبب ليه بنحب وسط القاهرة.
1- وسط القاهرة مش مجرد مكان، ده مجتمع كامل وحقيقي مليان تفاصيل مدهشة تخطف القلب.
2- وسط القاهرة التمشية فيها غير أي مكان تاني، بنحس بحنين في كل خطوة وجرية وهزار في وسط الشارع.
3- وسط القاهرة من الأماكن اللي ماتعرفش كلمة مافيش، أي حاجة هتحتاجها هتلاقيها فيها بدون مبالغة.
4- وسط القاهرة هي قطعة من أوروبا بمبانيها وتقسيمتها وجمالها وروحها.
5- وسط القاهرة فيها روح مش موجودة في أي مكان تاني، هتغسلكم كده وتخليكم منشكحين.
6- وسط القاهرة دايمًا بتجبر بخاطر كل واحد يدخلها وعمرك ما تخرج منها غير وأنت مرضي.
7- وسط القاهرة فيها 44 ممر داخلي بين العمارات، أشهرهم ممر بهلر.
8- وسط القاهرة فيها تاريخ بتحكيه كل عمارة اتبنت بقصة وحدوتة تدرس.
9- وسط القاهرة هي أهم تجمع ترفيهي، ثقافي، وفني مهم جدًا.
10- وسط القاهرة شهدت نوستالجيا أحداث كتير من زمان، لما تمشي فيها هتحس بكل حدث وهتفتكره ومش بعيد تتعمق فيه.
11- وسط القاهرة شهدت تجمع كبار الكتاب والفنانين زي نجيب محفوظ ومكاوي سعيد ومحمد خان ونجيب الريحاني وغيرهم.
12- وسط القاهرة فيها أكبر تجمع للسينمات والمراكز الثقافية والمسارح والمكتبات ومساحات العمل المشتركة في محيط أقل من 4 كيلو.
13- وسط القاهرة هتلاقوا فيها أقدم محلات موجودة في القاهرة واللي منفردة بنشاطها.
..
وفيه أسباب كتير جدًا في حب وسط البلد، تقدروا تقولوا لنا إيه السبب اللي يخليكم تحبوها.
