The Definitive Guide to Living in the Capital , Cairo , Egypt

الحياة في كايرو

مزنوق.. تطبيق جديد هتعرف منه “أقرب حمام في المدينة”

البحث عن تواليت تطبيق جديد حمام عمومي مزنوق
مزنوق.. تطبيق جديد هتعرف منه “أقرب حمام في المدينة”
    بواسطة
    Mohamed Talaat

    بالتأكيد واجهت الموقف ده قبل كده في الشارع.. إنك تحس إنك محتاج تدخل الحمام بشكل عاجل، وللأسف متعرفش أقرب حمام فين.. وفي الغالب بنلجأ لحمامات سلاسل المطاعم الكبيرة علشان هي الوحيدة اللي بتكون فيها حمامات نظيفة، لكن بعضها ممكن يرفض دخول أي شخص غريب للحمام ويقول إنه لعملاء المكان فقط!

    لكن مع تطبيق “مزنوق” الجديد اللي شعاره هو “أقرب حمام في المدينة”، هتقدر تلاقي أقرب حمام عمومي تقدر تدخله، وفي السطور الجاية هنقول لكم على كل اللي محتاجين تعرفوه عن التطبيق ده.

    الفكرة أطلقها المبرمج أحمد علي، وهو بيعتبر التطبيق الأول في مصر للوصول إلى الحمامات العمومية، وده عن طريق استخدام خاصية تحديد المواقع “الجي بي إس” في نطاق 5 كيلو متر، ومن خلال التطبيق بيتم تحديد أقرب حمام عمومي لك وتحديد طرق الوصول إليه.

    التطبيق كمان بيتيح معلومات عن الحمام اللي بيوجهك ليه، وكمان عندهم خاصية عرض معلومات عن الحمامات على شاشة الموبايل، زي مواعيد العمل، وهل مخصصة للجنسين أم لا، وهل بها مكان لذوي الهمم.. وغيرها من المعلومات.

    كمان تقدروا من خلال تطبيق “مزنوق” تقولوا رأيكم في الحمامات وتقيموها بداية من نجمة وحتى 5 نجوم.

    تقدروا تحملوا أبلكيشن “مزنوق” لمستخدمي أجهزة أندرويد من هنا.

    وعلشان تعرفوا أكتر عنهم زوروا صفحتهم على الفيسبوك من هنا.

    مقترح