The Definitive Guide to Living in the Capital , Cairo , Egypt

الفترة دي مسرح الهناجر في دار الأوبرا المصرية، بيستضيف عرض مسرحية “مسافر ليل”. بس المسرحية دي غير أي عرض تاني ممكن تشوفه. ليه بقى؟ ده اللي هنقول لك عليه.

أولًا المسرحية معمول لها ديكور خاص بها، مش خشبة مسرح وبيتغير الديكور بتاعها كالعادة. والديكور عبارة عن عربية قطر. والجمهور هو الركاب.

تاني حاجة بقى، المسرحية دي تفاعلية. يعني الجمهور اللي قاعد في الكراسي جزء منها وبيتفاعل مع الأحداث، ومع أبطال العرض من الممثلين. انت مش بس هتتفرج.. انت هتبقى واحد من الأبطال.

المسرحية بتدور عن رحلة سفر في القطر الليلي، بيكون فيها واحد من الركاب (الممثلين) باين عليه إنه شخص ضعيف ومكسور. ولما بييجي محصل التذاكر بيبدأ يمارس عليه أنواع من القهر والبطش. وده هيدفعك انت شخصيًا تتدخل. لحد ما القصة تنتهي بشكل غير متوقع.

مسافر ليل مسرحية من تأليف: صلاح عبد الصبور. ديكور وإخراج: محمود فؤاد صدقي. بتتعرض يوميًا على مسرح الهناجر، لحد يوم 19 ديسمبر. العرض بيبدأ الساعة 7 مساءً. مدته 50 دقيقة. وسعر التذكرة: 20 جنيه. اعرفوا تفاصيل أكتر من هنا.