The Definitive Guide to Living in the Capital , Cairo , Egypt

الحياة في كايرو

مشروع جديد للتخلص من مخلفات القاهرة المتراكمة (اعرفوا التفاصيل)

التخلص من المخلفات في مصر التلوث في القاهرة المخلفات في القاهرة حماية البيئة مشروع تلوث القاهرة الكبرى
مشروع جديد للتخلص من مخلفات القاهرة المتراكمة (اعرفوا التفاصيل)
    بواسطة
    Mohamed Talaat

    بالتأكيد بنشوف أماكن في القاهرة فيها مخلفات موجودة من سنين طويلة، والأمر ده كان بيسبب مشكلة كبيرة للمسئولين في وزارة البيئة والتنمية المحلية. لكن نقدر نقول إن المشكلة دي في طريقها للحل قريبًا، بسبب مشروع مصري طموح للقضاء على المخلفات بهدف مكافحة تلوث القاهرة الكبرى.

    في 6 نقاط هنعرفكم أكتر على مشروع الحكومة المصرية لإدارة المخلفات بهدف مكافحة تلوث العاصمة المصرية، واللي بيتم بالتعاون مع البنك الدولي.

    1 – بحسب تقرير حديث نشره موقع اليوم السابع، المشروع ده بيهدف للتخلص من أنواع المخلفات المتنوعة والموجودة من سنين فى القاهرة الكبرى (القاهرة والجيزة والقليوبية).

    2 – المشروع هيشتغل على ملفات مختلفة منها إدارة المخلفات الصلبة وخفض انبعاثات أتوبيسات هيئة النقل العام وإعادة التدوير.

    3 – بيسعى المشروع كمان لتغيير السلوكيات ورفع الوعي بأهمية الحفاظ على نظافة القاهرة وحماية جوها من التلوث.

    4 – هيتضمن المشروع إقامة مجمع مدفن للمخلفات الصحية في القاهرة والقليوبية، إضافة لتنفيذ محطة معالجة مخلفات البناء والهدم واللي هتكون على مساحة 23 فدان.

    5 – كمان هيتم إنشاء محطة معالجة المخلفات الطبية والتخلص منها في القاهرة والقليوبية على مساحة 51.16 فدان.

    6 – هيتم إنشاء محطة لإنتاج السماد العضوي وإعادة التدوير على مساحة 212 فدان في القاهرة، وواحدة تانية في القليوبية على مساحة 106 فدان.

    بنحلم نشوف القاهرة دائمًا جميلة ونظيفة!

    مقترح