The Definitive Guide to Living in the Capital , Cairo , Egypt

الحياة في كايرو

موكب المومياوات الملكية.. أجمد 11 حاجة حصلت في اليوم المصري التاريخي

آثار مصر المتحف المصري متحف الحضارة مصر موكب المومياوات موكب المومياوات الملكية نقل المومياوات
موكب المومياوات الملكية.. أجمد 11 حاجة حصلت في اليوم المصري التاريخي
    بواسطة
    Cairo 360

    الصور: خالد دسوقي ومحمود خالد (AFP via Getty Images)

    مساء يوم السبت، 3 أبريل 2021، كان العالم على موعد مع يوم تاريخي صنعه من الألف إلى الياء المصريين، حدث غير مسبوق في العالم، وهو فعاليات موكب نقل 22 مومياء لملوك مصر القديمة، من موقعهم في المتحف المصري في ميدان التحرير، لموقعهم الجديد في المتحف القومي للحضارة المصرية، الكائن في أول عاصمة إسلامية في مصر، الفسطاط.

    إحنا في كايرو 360 فرحانين إن الحدث العظيم ده بيتم في نفس الفترة اللي بنحتفل فيها بمرور 11 سنة على انطلاق موقعنا من قلب القاهرة.. وفي السطور الجاية هنعرفكم على أجمد 11 حاجة حصلت في الليلة المبهرة دي.

    1 – ظهرت المومياوات أثناء نقلها وهي محمولة على عربيات مزينة بتصميم مبهر، مع كتابة أسمائها بالهيروغليفية المصرية القديمة وكمان بالعربية وبالإنجليزية.

    2 – افتتح الرئيس المصري عبدالفتاح السيسي المتحف القومي للحضارة قبل انطلاق الموكب بلحظات، وكان في استقبال المومياوات بنفسه لحظة وصولها، ودي رسالة عظيمة للعالم إن المصريين كلهم، بيحترموا تاريخهم وبيقدروه.

    3 – العالم كله عبر عن سعادته بالحدث المهم، ومئات القنوات المحلية، والعربية، والعالمية، اهتمت بتغطية مباشرة للموكب، ودي أفضل دعاية حصلت في تاريخ السياحة المصرية، وتقدروا تشوفوا الفعاليات من خلال قناة وزارة السياحة والآثار الرسمية في يوتيوب من هنا.

    4 – حضر الحدث مع الرئيس السيسي، المديرة العامة لليونسكو أودري أزولاي، بالإضافة للأمين العام لمنظمة السياحة العالمية زوراب بولوليكاشفيلي.

    5 – تم اكتشاف المومياوات الـ 22 المشاركة في العرض في مخبأين. واكتُشفت للمرة الأولى سنة 1881 في الدير البحري بالضفة الغربية للأقصر في المقبرة رقم TT320.

    6 – الموكب تضمن 18 ملك وأربع ملكات.. والملوك الـ 18 هم: سقنن رع، أحمس الأول، أمنحتب الأول، تحتمس الأول والثاني والرابع، سيتي الأول والثاني، رمسيس الثاني والثالث والرابع والخامس والسادس والتاسع، أمنحتب الثاني والثالث، ومرنبتاح”. أما الملكات الأربع فهن: أحمس نفرتاري، الملكة تي، ميريت آمون، وحتشبسوت.

    7 – من بين مظاهر الاحتفال اللي صاحبت الموكب الملكي، عزف موسيقي قاده المايسترو المصري نادر عباسي قائد “أوركسترا وكورال الاتحاد الفيلهارموني”، وعن مشاركته في الاحتفال، وصف عباسي الأمر بأنه “حلم واتحقق”. والمقطوعة المؤلفة مخصوص للموكب، من تأليف هشام نزيه، وعزف “أوركسترا الاتحاد الفيلهارموني” وغناء ريهام عبد الحكيم وأميرة سليم ونسمة محجوب.

    8 – بالنسبة للآلات المستخدمة، كشف نادر عباسي إنهم في الفرقة استخدموا آلات موسيقية شبيهة باللي كانت بتستخدم في العصور القديمة ولكنها تطورت، وهي الآلات اللي ظهرت بالجدارية الشهيرة للثلاث فتيات العازفات من مصر القديمة، زي آلات الهارب والناي والعود.

    9 – وعلشان يتم الغناء باللغة المصرية القديمة، تم الاستعانة بكتاب الموتى وبعض الأشعار المكتوبة على المعابد، وكمان تم الاستعانة بمتخصصين في علم المصريات علشان الفرقة تعرف النطق الصحيح للغتنا القديمة.

    10 – بحسب تصريح لعالم الآثار المصري زاهي حواس تم وضع كل مومياء في كبسولة خاصة مملوءة بالنيتروجين لضمان حمايتها، أما العربيات اللي تم وضع الكبسولات عليها فكانت مصممة بشكل مخصوص لتوفير ثباتها أثناء عملية النقل.

    11 – شهد الحفل عدد كبير من الحركات الاستعراضية اللي أبهرت الجميع، كان أهمها ظهور أشخاص شايلين أطباق بلورية، والأطباق دي هي تمثيل لقرص الشمس رع، اللي بيشع نوره في حياتنا علشان ينور الظلام.

    مقترح