The Definitive Guide to Living in the Capital , Cairo , Egypt

الحياة في كايرو

10 سنين وكايرو 360 هو دليلكم الأول والمتكامل للحياة في العاصمة

10 سنين مع كايرو 360 القاهرة دليلك للحياة في العاصمة عيد ميلاد كايرو 360 كايرو 360
10 سنين وكايرو 360 هو دليلكم الأول والمتكامل للحياة في العاصمة
    بواسطة
    Cairo 360

    شهر مارس وصل! والشهر ده بالنسبة لنا في كايرو 360 أكتر شهر مميز في السنة، لأنه الشهر اللي انطلق فيه موقع كايرو 360 لأول مرة من 10 سنين فاتوا، وبالتحديد سنة 2010، ومن وقتها وإحنا بنشتغل بكل حماس وحب علشان نكون دليلكم الأسهل والأهم للحياة في واحدة من أكبر عواصم العالم.. وهي محافظة القاهرة، العريقة والعظيمة بمبانيها وسكانها وأماكنها.

    وفي 2020 بنحتفل بمرور10 سنين على إطلاق كايرو 360، وجوانا أحلام كتيرة ورغبة في تقديم صحافة خدمية مهنية تحترم كل فرد في القاهرة، سواء كان من سكانها، أومن زوارها.

    وبالمناسبة دي حابين نشكر كل فرد وثق فينا واعتبرنا دليله لمحاولة فهم كل حاجة بتحصل في القاهرة، وشكرًا لكل الشركات الكبرى اللي وثقت فينا واعتبرتنا المكان الأنسب لتعريف سكان القاهرة بالخدمات والمنتجات الرائعة اللي بيقدموها.

    في كايرو 360 كتبنا عن آلاف الأماكن في العاصمة، مابين مطاعم وكافيهات ومحلات تسوق، وأماكن ترفيهية ومكتبات ومراكز ثقافية، وكمان قدمنا مقالات نقدية لكل الأفلام اللي عرضتها سينمات القاهرة طوال الـ 10 سنين، وأهم الكتب اللي صدرت في الفترة دي، وحاولنا من خلال فريق متميز من الكتاب والصحفيين ننقل لكم كل تفاصيل الحياة في العاصمة، ولسه عندنا كتيرهنقدمه لكم.

    عندنا أفكار كتير هتتعرفوا عليها في شهر مارس، من خلال مقالاتنا الجديدة والمهمة، وده غير مسابقة تصوير لأجمل الصور اللي بتوثق جمال القاهرة، والجوائز هتكون مفاجأة.

    كمان هنعمل حفلة كبيرة ومميزة بالمناسبة دي بالتعاون مع أجمد مكان في القاهرة، وهو “كايرو جاز كلوب”.

    وفي بداية سنة جديدة من عمرتجربتنا، بنوعدكم بتقديم خدمات وأفكار إبداعية أكتر، علشان نخلي حياتكم في كايرو أسهل وأبسط وأجمل.

    شكرًا لكل أهل القاهرة الجميلة المبهرة.

    مقترح