The Definitive Guide to Living in the Capital , Cairo , Egypt

الحياة في كايرو

5 أنشطة في القاهرة هتستمتع بيهم في عيد الفطر 2022

أنشطة للعيد حاجات تعملها في العيد خروجات العيد عيد الفطر 2022 عيد القاهرة
5 أنشطة في القاهرة هتستمتع بيهم في عيد الفطر 2022
    بواسطة
    Mohamed Sabry

    رمضان جري وعيد الفطر 2022 قرب علينا خلاص. والعيد يعني خروجات وفسح وانبساط، وفرصة لتجديد النشاط بعد شهر من الهدوء.

    علشان كده إحنا في كايرو 360 هنقول لكم على 5 أنشطة مختلفة تعملوها في العيد وتكسروا بيها الروتين المعتاد.

    Ski Egypt

    روح جرب متعة التزحلق على الجليد انت وأصحابك. واكتشف قدراتك في الألعاب المختلفة وانت وسط التلج زي ice volley وألعاب التحدي المختلفة.

    المكان موجود في مول مصر.

    Autovroom

    اختبر مهاراتك في سباقات السيارات على أول مسار للسباق الدولي في مصر، يمكن تكون “مايكل شوماخر” الجاي. المكان بيجهز المتسابقين ببرنامج للياقة البدنية وتعليمات قبل السباق.

    المكان في العبور.

    Magic Planet

    مكان ترفيهي ضخم فيه ألعاب كتيرة ومختلفة زي العربيات التصادمية وألعاب الفيديو. وله فروع في أماكن كتيرة منها معادي سيتي سنتر وكاير فيستفال.

     

    المركز الدولي للبولينج

    أحلى مكان تعلب فيه بولينج مع أصحابك. لأن مساحته كبيرة جدًا وسهل تلاقي حجز. بالإضافة لكده فهو مركز كبير لألعاب مختلفة زي ألعاب الفيديو والبينج بونج والـ air hockey. هتقضي يوم ممتع بكل تأكيد.

    Gravity Code

    من أكبر مراكز الألعاب والمغامرات في مصر كلها. مليان أنشطة ترفيهية وألعاب كتير هتخلص فيها كل طاقتك.

    موجود في شارع التسعين التجمع الخامس.

     

    كل سنة وأنتم طيبين يا أهل كايرو!

    مقترح