The Definitive Guide to Living in the Capital , Cairo , Egypt

لو أنت بتركب عجلة سواء للرياضة أو كويسلة مواصلات، دايمًا بتحتاج منك عناية واهتمام وتنظيف، علشان كده هنقدم لك 6 نصائح بتنصح بيهم شركة Active العالمية تقدر تحافظ من خلالهم على العجلة بتاعتك ودايمًا هتكون قد المسئولية قدامك.

1- ابعد العجلة عن المياه والتراب والرطوبة، علشان دول عوامل رئيسية لفساد الأجزاء الخارجية منها.

2- اتاكد دايمًا أن ضغط الهواء مظبوط والفرامل سليمة، ولو حسيت بحاجة غلط وأنت ماشي أقف شوف فيه ايه.

3- التروس والأكس والجنزير لازم تنضفهم بشكل أسبوعي بسبراي متخصص أو مياه بالصابون، واتأكد إن الكرنك والمسامير مربوطين كويس.

4- روح لحد متخصص كل 3 شهور علشان تعمل عمرة كاملة وتتأكد من سلامة قطع العجل زي القضبان والسلسلة والكابلات والفرامل والكرنك والسلوك والكاوتش وغيرهم.

5- لو العجلة معاك لها سنة غير حامل وكابل الفرامل وكل ما اللي هيتعرض لبداية التلف وماتستخسرش وتقول لسه بدري.

6- لو غسلت العجلة بالمياه لازم تنشفها كويس جدًا وكل جزأ تديه حقه في أنك توجه عليه ماتور الهواء علشان المياه من مسببات صدأ العجل.