The Definitive Guide to Living in the Capital , Cairo , Egypt

صحيح خروجاتنا بتكون حلوة وسط الأصحاب واللمة. بس برضه لمة العائلة لها طعم تاني. وفي المقال ده جبنا لكم 7 من أفضل الأماكن السياحية، اللي ممكن تخرج فيها العائلة كلها. وتقضي وقت لطيف وتنبسط.

1- القرية الفرعونية

عبارة عن متحف حي ممكن من خلاله التعرف على الحضارة المصرية المذهلة. وفيه مؤديين بيعملوا عروض هناك خاصة بالعصر الفرعوني. بطريقة ممتعة وجذابة.

 

2- المتحف المصري

بيضم أكبر مجموعة من التحف المصرية في العالم. وده بيخليه وجهة سياحية عائلية ممتازة. وتقدر العائلة تقضي وقت جميل فيه. وتستمتع بالتحف والتماثيل الجميلة.

 

3- الأهرامات وأبو الهول

أكيد الخروجة عند واحد من أهم عجائب الدنيا السبعة هتكون مختلفة. الاستمتاع بشكل الأهرامات وأبو الهول، هيخلي لليوم طعم مختلف. وكمان في أنشطة هناك زي ركوب الخيل، أو جولة في المكان. وطبعًا عرض الصوت والضوء اللي مايختلفش عليه اتنين.

 

 

4- حديقة الأزهر

بتتميز بالمساحات الخضراء الكبيرة اللي فيها. وكمان نافورات المياه اللي أشكالها مبهرة. ده غير المطاعم والمناطق المخصصة للأطفال. كل ده يخليها مكان مثالي لخروجة عائلية متكاملة.

 

5- قلعة صلاح الدين

بموقعها المتميز والمتاحف اللي فيها، قلعة صلاح الدين واحدة من أهم المناطق السياحية في القاهرة. القلعة فيها 4 متاحف: متحف قصر الجوهرة – متحف النقل – المتحف العسكري المصري – متحف الشرطة المصرية.

 

6- برج القاهرة

طبعًا لو عاوزين مكان بيطل على كل معالم القاهرة، أكيد ما فيش زي برج القاهرة. ده غير المطاعم والكافيهات اللي فيه. وكمان ممكن تاكلوا في المطعم الدوار، اللي من خلاله بتشوفوا منظر بانورامي للقاهرة كلها في لفة واحدة.

 

 

7- كيدزانيا

مدينة تعليمية كبيرة مخصصة للأطفال. فيها مباني وشوارع ومواصلات مخصصة ليهم. ويقدروا فيها يمارسوا وظيفة أحلامهم، بكل الأشكال. وفي نفس الوقت يقدر الأهالي يستمتعوا بالتسوق، أو المطاعم والكافيهات المختلفة.