The Definitive Guide to Living in the Capital , Cairo , Egypt

7 حدائق في القاهرة هتستمتع فيهم بعيد الأضحى
    بواسطة
    Cairo 360

    القاهرة فيها أماكن كتيرة مميزة لخروجة مع الأصحاب. ومن ضمنها الحدائق المختلفة. فممكن خروجة الشلة في العيد ماتبقاش لسينما أو مكان أكل، وتبقى في واحدة من الحدائق المختلفة دي:

    1- حديقة الحيوان في الجيزة

    موجودة في شارع مراد، قرب ميدان الجيزة. مساحتها 80 فدان. وتعتبر أكبر حديقة حيوان في مصر والشرق الأوسط. فيها طبعًا أنواع مختلفة من الحيوانات. وكمان فيها ألعاب كتيرة للأطفال.

    2- حديقة الأزهر

    موجودة في الدراسة، قرب مشيخة الأزهر. مساحتها 71 فدان. بتتميز بالنافورات المائية والأعمدة الرخامية. وفيها منطقة الحطابة اللي فيها مباني قديمة وجميلة.

    3- حديقة الأسماك

    مكانها في الزمالك في شارع الجبلاية. مساحتها حوالي 9.5 فدان. من أشهر الحدايق في الزمالك وتعتبر متحف للأسماك. فيها 33 نوع من الأسماك النيلية.

    4- الحديقة اليابانية

    موجودة في حلوان على مساحة 10 فدان. بتحس جواها إنك في حتة من اليابان. وتقدر تاخد صور حلوة كتيرة مع التماثيل الموجودة، زي تمثال المعلم شيبة وتلاميذه الـ 48.

    5- الحديقة الدولية

    في شارع عباس العقاد مدينة نصر. فيها أجنحة شبه الميادين، وكل جناح مخصص لدولة. وأكتر حاجة بتميزها إن أغلب الدول عربية. ومساحتها 55 فدان.

    6- حديقة الفسطاط

    موجودة في منطقة عين الصيرة، مصر القديمة. جنب سور مجرى العيون.مساحتها أكتر من 10 كم مربع. فيها مساحات خضرة واسعة، وبتضم أنواع مختلفة من الزهور والأشجار.

    7- حديقة الأورمان

    في حي الدقي جنب جامعة القاهرة. مساحتها 28 فدان، وفيها 20 ألف نوع من النباتات. وكمان مجموعة نادرة من الأشجار والنخيل. وهي عبارة عن 4 حدائق صغيرة: حديقة الصبار – حديقة الورود – ربع النخيل – حديقة عصفور الجنة.

    خروجة سعيدة.

    مقترح