مغامرة “Mario High Ropes” في دير سمعان الخراز بالمقطم 2026: تجربة إثارة آمنة وسط الجبال
High Ropes Mario High Ropes Zip Line ألعاب المغامرة أنشطة عائلية الترفيه في القاهرة المقطم تسلق الجبال مغامرات مصر
Mohamed Talaat
لو بتدور على مغامرة تكسر بيها روتين يومك، وتعيش إثارة حقيقية وسط الجبال، دير سمعان الخراز في المقطم هو المكان المثالي.
هتلاقي هناك منطقة ألعاب Mario High Ropes، اللي بتجمع بين المرح والإثارة مع أعلى معايير الأمان، وتناسب الكبار والصغار الباحثين عن تجربة مختلفة بعيدًا عن زحمة القاهرة.
إزاي توصل لمغامرة “ماريو” في المقطم؟
المكان موجود في منطقة المقطم، وتحديداً بعد عزبة الزبالين داخل نطاق الدير.
بالمواصلات: اركب من السيدة عائشة وانزل أقرب نقطة لـ “دير الأنبا سمعان الخراز”، ومن هناك “توك توك” هيوصلك لحد باب الدير، واسأل الأمن عن منطقة ألعاب الـ High Ropes اللي بيديرها “كابتن ماريو”.
نصيحة كايرو360: لازم تحجزوا قبل ما تروحوا وتحددوا (الاسم، العدد، اليوم، والساعة).
رسوم دخول الدير للمرافقين (اللي مش هيلعبوا) هي 50 جنيه.
قائمة الألعاب والأسعار في Mario High Ropes
المكان بيسمحلك تقعد وتتفرج وتتصور “ببلاش” قبل ما تقرر هتلعب إيه، والألعاب كلها مجهزة بأعلى وسائل الأمان (Safety) من خوذة وحزام وشورت مخصص.
Zip Line تزحلق على الحبل من فوق برج عالي وكشف المقطم كله تحتك وسعر التذكرة للفرد 200 جنيه.
Giant Swing مرجيحة عملاقة لفردين بتلف بسرعة في السما وسعر التذكرة للفرد 200 جنيه.
Low Ropes مسارات عقبات على ارتفاع 5 متر (مسافة 85 متر) وسعر التذكرة للفرد 170 جنيه.
High Ropes تحدي التوازن على ارتفاع 10 متر (مسافة 100 متر) وسعر التذكرة للفرد 220 جنيه.
Captain Ropes المرحلة الأصعب، ارتفاع 10 متر لمسافة 40 متر (لو عديتها بدون وقوع اللعب مجاني) وسعر التذكرة للفرد 230 جنيه.
Climbing تسلق جبال صخرية حقيقية لارتفاع 16 متر وسعر التذكرة للفرد 150 جنيه.
Mini Via Ferrata تسلق احترافي على الكابلات والسلالم والجسور (العادية بـ 250ج – المحترفة 300 متر بـ 500ج).
عرض الباكدج:
تقدر تختار 5 ألعاب مختلفة بسعر 800 جنيه للفرد.
تعليمات وشروط المغامرة عشان تستمتع بيومك من غير مشاكل.
اللبس: لازم تروح بـ “لبس رياضي” مريح عشان تعرف تتحرك.
السن والوزن: الألعاب متاحة من سن 8 سنوات، وأقصى وزن مسموح به هو 120 كيلو.
الموانع الصحية: ممنوع المشاركة لمرضى (الضغط، القلب، العظام، الحوامل، أو من أجروا عمليات جراحية مؤخراً).
للحجز والاستفسارتقدروا تتواصلوا معاهم وتبعتوا بياناتكم على الأرقام دي: 01020511597 – 01200140662 أو من خلال صفحتهم على فيسبوك: Mario High Ropes
مقترح
الحياة في كايرو
خزائن الهوانم في متحف المركبات الملكية.. تجربة مختلفة لاكتشاف أناقة المرأة المصرية عبر الزمن
القاهرة تراث +8
معالم وسياحة
