The Definitive Guide to Living in the Capital , Cairo , Egypt

لو بتحب الكتب وبتستنى أي فرصة تزود بيها مكتبتك من غير ما تصرف كتير، فـ أكيد العروض اللي بتقدمها مكتبة Orion Books في الدقي هتلفت نظرك. المكتبة بدأت فترة تخفيضات قوية مستمرة لحد 31 أكتوبر 2025، وأسعار الكتب عندهم بتبدأ من 15 جنيه بس!

المكتبة دي من الأماكن اللي دايمًا بتحاول توفر للناس كتب بأسعار معقولة، خصوصًا وقت العروض، والسنة دي العروض أوسع من أي وقت فات. أكتر من 90% من الكتب الموجودة في المكتبة داخل التخفيضات، والباقي عليه خصومات 40%، يعني تقريبًا كل اللي على الرفوف عليه خصم!

الجميل كمان إن التخفيضات مش مقتصرة على نوع معين من الكتب، لكن فيها كل حاجة تقريبًا.

هتلاقي روايات عربية ومترجمة، وكمان كتب إنجليزية، بأسعار تبدأ من 45 جنيه. ولو بتحب الكلاسيكيات أو الأدب العربي القديم، الأسعار هناك برضو بتبدأ من 45 جنيه. أما لو نفسك في حاجة خفيفة زي كتب الجيب أو أعداد “ميكي” أو الأدب العالمي، فدي أسعارها بتبدأ من 15 جنيه بس، ودي فرصة نادرة فعلاً لمحبي القراءة.

الاختيارات مش بس أدبية، لأنهم كمان عاملين خصومات على كتب علم المصريات والفن والمجلات، وده بيخلي المكتبة وجهة ممتازة مش بس لعشاق القراءة، لكن لأي حد مهتم بالثقافة والفنون.

المعرض مستمر لحد نهاية أكتوبر أو لحد نفاد الكمية، ومواعيد المكتبة يوميًا من 12 الظهر لحد 11 بالليل، فلو حابب تروح بعد الشغل أو في الويك إند، هتلحق بسهولة.

المكتبة موجودة في 5 شارع فاروق نجم – خلف سينما التحرير – الدقي، وبتقدروا تتابعوا أحدث العروض والكتب الجديدة من خلال صفحتهم على الفيسبوك من هنا.