The Definitive Guide to Living in the Capital , Cairo , Egypt

في وقت بقت فيه زحمة القاهرة جزء من يومنا، وركنة العربية بقت حاجة صعبة، ناس كتير بقت بتدور على حلول أسرع وأسهل للتنقل جوه المدينة. واحدة من أكتر الطرق اللي انتشرت الفترة الأخيرة هي السكوتر الكهربائي، وبالتحديد خدمة Rabbit اللي بتوفر طريقة مريحة وسريعة تتحرك بيها من غير ما تضيع وقت في الزحمة أو تلف على ركنة.

لو رايح مشوار في الزمالك أو وسط البلد أو حتى جامعة القاهرة، وتعبت من الزحمة أو مش لاقي تركن، سكوتر رابيت هو أسرع وسيلة توصلك من غير وجع دماغ. التطبيق شغال حاليًا في مناطق اسمها “Green Zones”، زي: وسط البلد، الزمالك، الدقي، المعادي، مصر الجديدة، مدينة نصر، وجامعة القاهرة.

ما يفوتكش كمان: تطبيق Rabbit.. دليلك لإيجار “سكوتر” كهربائي في شوارع القاهرة

كل اللي عليك تعمله هو إنك تحمل التطبيق، تسجل بياناتك وتربطه بكارت بنكي. بعد كده تفتح الخريطة وتشوف أقرب سكوتر متاح حواليك، وغالبًا هتلاقيه مربوط في عمود وبيتشحن.

بتفتح القفل عن طريق QR Code، وبتبدأ الرحلة بجنيه واحد، ومن بعدها بـ3 جنيه لكل دقيقة استخدام.

وأول ما تخلص، بتسيب السكوتر في أي عمود داخل الزون، تقفله، وتصوره، وتعمل إنهاء للرحلة من التطبيق.

لو بتستخدم رابيت بشكل متكرر، تقدر تشترك في نظام “برايم” الشهري بـ39 جنيه، وده بيعفيك من مصاريف فتح السكوتر كل مرة.

أما لو عاوز السكوتر معاك كأنك صاحبه، فيه نظام الإيجار باليوم:

• 3 أيام بـ1200 جنيه

• 14 يوم بـ4760 جنيه

• والسكوتر بيوصلك لحد باب بيتك، وكمان بيرجعوا يستلموه منك.

حمل تطبيق Rabbit Scooter:

Android

iOS

ولو عاوز تعرف أكتر أو تتواصل معاهم، شوف صفحتهم على فيسبوك