The Definitive Guide to Living in the Capital , Cairo , Egypt

تسوق

أصيلة: لوحة فنية على صينية توصلك لحد البيت

أصيلة: لوحة فنية على صينية توصلك لحد البيت
    بواسطة
    Mohammed Sabry

    طول عمرنا بنسمع عن الرسم بالرمل، أو الرسم على الزجاج، أو الرسم على الحائط (الجرافيتي)، لكن مؤخرًا عرفنا إن فيه صفحة على فيسبوك خدت الرسم في حتة مختلفة خالص، وخلته رسم على الصواني.

    أيوة أنت قريتها صح. رسم على الصواني المعدن من أصيلة. وتقدر تستخدمها كصينية عادية، أو تابلوه بشكل جميل. المقاس بيكون 30 سم للقطر الخارجي. والرسم كله بشكل يدوي محترف. بس خد بالك لما تيجي تنظفها، بلاش تحطها تحت المياه الجارية. الأحسن تمسحها بقطعة قماشة مبلولة.

    رغم أن الصواني جميلة لكن بنعيب على أصيلة إن أسعارهم غالية شوية، الصينية الواحدة ثمنها 250 جنيه. وده رقم عالي على ناس كتير خصوصاً في الظروف الاقتصادية الصعبة اللي مصر بتمر بيها.

    لكن من المميزات إن المكان بيوصل لك المنتج لحد بيتك. لكن ده هيكلفك مبلغ 40 جنيه لو داخل القاهرة، والمنتج هيوصلك خلال من 2 لـ 7 أيام عمل. أما لو كنت من أي محافظة تانية، بتكون التكلفة حسب المكان. وبياخد من 7 لـ 10 أيام عمل.

    تقدروا تتواصلوا معاهم من خلال واتساب على رقم: 01142594264

    أو تزوروا صفحتهم من هنا.

    مقترح