The Definitive Guide to Living in the Capital , Cairo , Egypt

أفضل 5 أماكن تشتروا منهم عسل نحل نقي في القاهرة
    بواسطة
    Mohamed Talaat

    عسل النحل من أكتر المنتجات الغذائية المفيدة للإنسان، والعسل بكل مشتقاته وأشكاله مهم جدًا لصحة كل شخص، سواء للتغذية أو الوقاية من الأمراض أو حتى لتقوية المناعة، وأوقات كتير بيكون العسل علاج أو بديل آمن للسكريات، وعلشان المنتج ده لازم يكون من مصدر موثوق، خلال السطور الجاية هنقول لكم على أفضل 5 أماكن في القاهرة تشتروا منهم عسل نحل بجودة عالية.

    1- امتنان

    معروف عن شركة امتنان انها بتنتج وتبيع منتجات طبيعية ومميزة، ومن أهم مبيعاتها أنواع العسل المختلفة واللي تقدروا تشتروه من منافذهم المنتشرة على مستوى القاهرة أو من خلال موقعهم الإلكتروني.

    وعلشان تعرفوا أكتر عنهم تقدروا تزوروا صفحتهم على الفيسبوك من هنا.

    2- زادنا

    هو مكان بيعتبر جديد في السوق ولكنه ساب علامة مميزة عند المستهلك، وبيبعوا منتجات صحية كتير، ولهم فروع بدأت تنتشر في القاهرة بشكل واضح، وتقدروا تشتروا من عندهم منتجات العسل سواء المصري أو العربي من منافذ البيع أو أونلاين.

    وعلشان تعرفوا أكتر عنهم تقدروا تزوروا صفحتهم على الفيسبوك من هنا.

    3- آل شاهين

    هما في الأساس منحل عسل بينتج كل أنواع العسل في الدلتا، والبيع عندهم أونلاين، وهتلاقوا عندهم كل أنواع العسل ومشتقاته وبيوصلكم لحد باب البيت، ودايمًا عندهم عروض كتير تناسبكم.

    وعلشان تعرفوا أكتر عنهم تقدروا تزوروا صفحتهم على الفيسبوك من هنا.

    4- يونس

    عندهم عسل نحل طبيعي من مناحلهم، وبينتجوه من خلال متخصصين في النحل، وعندهم كل أنواع العسل ومشتقاته، وهما بينتجوا العسل من سنة 1978.

    وعلشان تعرفوا أكتر عنهم تقدروا تزوروا صفحتهم على الفيسبوك من هنا.

    5- أولاد المهندس

    من منتجي العسل اللي أثبتوا جدارة في وقت قصير في السوق المصري ومعروفين بعسل غذاء الملكات، وعندهم كل أنواع العسل من إنتاجهم الخاص.

    وعلشان تعرفوا أكتر عنهم تقدروا تزوروا صفحتهم على الفيسبوك من هنا.

    مقترح