The Definitive Guide to Living in the Capital , Cairo , Egypt

تسوق

أهمها البطارية.. 5 خطوات ترجع موبايلتكم القديمة جديدة

أندرويد بطارية بيانات تحسين آداء تطبيق تطبيقات موبايل
أهمها البطارية.. 5 خطوات ترجع موبايلتكم القديمة جديدة
بواسطة
Mohamed Talaat

طبيعي إن الموبايلات بعد فترة من استخدامها بتبدأ كفائتها تقل وتبقى بطيئة وبتعلق ومش زي أول ما اشتريناها، وساعتها أول تفكير بيجي في بالنا هو إننا نشتري موبايل جديد علشان يواكب احتياجاتنا حتى لو الموبايل القديم غالي علينا، طايب تعملوا إيه لو قولنالكم إن ممكن في 5 خطوات بس موبايلك القديم يرجع يشتغل بكفاءة عالية؟ تعالوا نقولكم عليها:

امسحوا البيانات اللي مالهاش لازمة عندكم، أو مش هتستخدموها قريب:

صحيفة “الميرور” البريطانية، قالت إن ذاكرة التخزين المؤقتة في موبايلكم بيكون فيها حاجات كتير قديمة، ولما بتكون مليانة بيبقى الموبايل ضعيف في الاستخدام، ده بالإضافة إلى إنها بتستنزف البطارية، ولما تعملوا الخطوة دي هتحسوا بفرق كبير في استخدام الانترنت كمان.

 

 

شيلوا التطبيقات الزيادة عن حاجاتكم:

احنا بنحمل تطبيقات كتير، وبتاخد مننا مساحة على الفاضي لأننا بننساها ومش بنستخدمها، فلو حذفتم التطبيقات اللي استخدامكم ليها يكاد يكون معدوم، فده هيفضي مساحة حلوة من ذاكرة الموبايل وهيدي آداء أفضل للمعالج أو البروسيسور، وفيه نصيحة كمان وهي انكم تمسحوا “تويتر” و”فيسبوك” بشكل مستمر وتنزلهوم تاني، وده لأنهم من التطبيقات المملة اللي بتعمل تحديثات كتير، فالقديم بيبقى عبء ملوش لازمة.

تحديث النظام أو Update:

نظام التشغيل سواء كان أندرويد أو IOS أو حتى ويندوز دايمًا بيحتاج يواكب التطور، علشان كده أول ما ييجي تحديث من الشركة الخاصة بالموبايل حملوه علطول، علشان تحديث نظام التشغيل بيدي كفاءة عالية للجهاز ومفيد جدًا في أداؤه.

 

 

 

 

تحسين الأداء:

فيه تطبيقات كتير اسمها “تحسين الآداء” ودي بتحملوها علشان تتقلل لكم الوقت اللي بتاخده التطبيقات التانية لما بتيجي تشغلوها، وكمان بتساعدكم إنها تمسح الكاشات وذاكرة التخزين المؤقتة.

البطارية:

بعد دا كله، لو لقيتم إن لسه عندكم مشكلة في سرعة الجهاز أو أداؤه، فكده يبقى محتاجين نغير البطارية، لأن مع الوقت البطارية لما بتقدم بتستهلك كتير من أداء الجهاز، خاصةً لو الموبايل كان هو اللي بدأ الخناقة وخلص على البطارية بأداؤه، علشان كده بنقولكم إن البطارية الضعيفة جزء لا يتجزأ من بطئ الجهاز.

مقترح