The Definitive Guide to Living in the Capital , Cairo , Egypt

تسوق

اشتري 4 غرف بـ 20 ألف جنيه.. 5 معلومات عن معرض “ديارنا” للأثاث الدمياطي في القاهرة

أثاث دمياطي في القاهرة ارض المعارض عنوان معرض ديارنا معرض ديارنا مواعيد معرض ديارنا
اشتري 4 غرف بـ 20 ألف جنيه.. 5 معلومات عن معرض “ديارنا” للأثاث الدمياطي في القاهرة
    بواسطة
    Mohamed Talaat

    لو كنت محتاج قطعة أثاث لبيتك، أو لو بتدور على فرش كامل لشقتك، يبقى عندك فرصة تحضر معرض الأثاث ومستلزمات الأسر المنتجة “ديارنا”، اللي بيوفر لك أفضل أثاث دمياطي أصلي على أرض القاهرة.. تعالوا نتعرف أكتر على المعرض من خلال 5 معلومات فيهم الخلاصة.

    1- المعرض مفتوح حاليًا، وموجود في أرض المعارض بمدينة نصر بمحافظة القاهرة.

    2 – “ديارنا” هو معرض أثاث دمياطي بيتم بالتعاون بين محافظة دمياط وبين وزارة التضامن الاجتماعي، وهدفه فتح آفاق تسويقية جديدة أمام الصناع.

    3 – المعرض بيشارك فيه ٢٠٠ عارض من الجمعيات التعاونية الإنتاجية.

    4 – المعرض مش بس بيحتوي على أثاث  من الخشب، ده كمان فيه تشكيلة ضخمة من الأجهزة الكهربائية بأسعار مخفضة، ده غير السجاد والستائر والتحف وغيرها من المنتجات.

    5 – من خلال المعرض تقدروا تشتروا 4 غرف بـ 20 ألف جنيه و4 سلع معمرة بتتكون من غسالة وتليفزيون وبوتاجاز وسخان بـ 10 آلاف جنيه.

     

    وأخيرًا..

    المعرض مفتوح يوميًا لحد يوم 10 يونيو مع تطبيق كل الإجراءات الاحترازية.

    مقترح