The Definitive Guide to Living in the Capital , Cairo , Egypt

تسوق

اعمل خير حتى وأنت في البيت.. دليلك لشراء وتوزيع “كرتونة رمضان” أونلاين

اعمل خير الخير في زمن الكورونا رمضان شراء شنطة رمضان فيروس كارتونة رمضان كرتونة كورونا
اعمل خير حتى وأنت في البيت.. دليلك لشراء وتوزيع “كرتونة رمضان” أونلاين
    بواسطة
    Mohamed Talaat

    شهر رمضان على الأبواب، وكلنا عارفين أنه شهر الخير والمحبة، وكتير مننا متعود يشتري شنطة أو كرتونة رمضان ويوزيعها على الناس بمحبة، ولكن الظروف السنة دي في ظل انتشار فيروس “كورونا” المستجد ممكن تخلينا متحفظين شوية في التعاملات، خاصة أن المرض بيتنقل عن طريق الاختلاط أو اللمس، علشان كده في السطور الجاية هنقول لكم إزاي تشتروا كرتونة رمضان أونلاين وكمان توصلوها للمحتاجين بدون ما تتحركوا من البيت.

    تقدروا تشتروا كرتونة رمضان من أكتر من مكان بيبيعها أونلاين، مثلًا موقع جوميا عنده كرتونة من كارفور بـ50 جنيه، تقدروا تشتروها من هنا، وكمان تقدروا تشتروا الكارتونة من موقع كارفور نفسه من هنا، ودي بيكون فيها 9 قطع.

    كمان تقدروا تشتروا كرتونة رمضان من موقع سوق دوت كوم، واللي فيها 12 صنف و30 قطعة وسعرها 130 جنيه من هنا، وفيه كرتونة موقع نون دوت كوم، ودول عندهم واحدة بـ 57.5 جنيه، وفيها 9 قطع، والتانية 15 قطعة وسعرها 125 جنيه وتقدروا تشتروا من هنا.

    كمان تقدروا من خلال محلات بيم ماركت تشتروا قسائم شراء، بسعر 50 أو 100 أو 200 جنيه، ودي يقدر أي حد يستخدمها في الشراء من أي فرع من فروع الماركت، وبكده يتقلل التعامل المباشر، وتساعد الأشخاص اللي هتديهم القسائم انهم يختاروا احتياجاتهم بنفسهم.

    كمان في طريقتين تقدروا من خلالهم تشتروا أو توزعوا كرتونة رمضان، أولهم تطبيق “مرسول” اللي بيقدم خدمة توصيل وشراء المنتجات داخل القاهرة الكبرى، كل اللي عليكم تحملوا التطبيق على الموبايل من هنا، وبتسجلوا حساب جديد وتدخلوا قسم توصيل أي حاجة وتكتبوا تفاصيل الطلب بتاعكم سواء شراء أو توصيل، وتتبعوا الخطوات لحد ما يوصلكم طلبكم أو توصلوا طلبكم بسهولة.

    فيه كمان Mig Delivery  اللي بيوصلوا شنط رمضان ببلاش لأي مكان، وهما متكفلين بأنهم يحافظوا على الوقاية واستلام الكرتونة أو شراءها وتوصيلها للعنوان المطلوب في أي حتة، وده مش كرتونة رمضان بس، لأ أي مساعدة وعمل خير في ظل أزمة انتشار فيروس “كورونا” المستجد.

    وتقدروا تتواصلوا معاهم من خلال صفحة الفيسبوك من هنا، أو الاتصال بهم على رقم 01156643130.

    وماتنسوش انكم تقدروا تطلبوا كراتين رمضان من أكبر السوبر ماركتس في القاهرة من خلال خدمة الدليفري بالاتصال على أرقامهم اللي هنقولها لكم في السطور اللي جاية:

    كارفور 16061

    أولاد رجب 19225

    لولو هايبر ماركت 0225983555

    بنده 16642

    أسواق العثيم 19279

    سبينس 16005

    خير زمان 16007

    الراية ماركت 16508

    كازيون 19609

    مقترح