The Definitive Guide to Living in the Capital , Cairo , Egypt

تسوق

الطحان: كحك زي اللي كانت بتعمله جدتك زمان

الطحان العبور العيد القاهرة بسكويت بيتي فور زبدة سكر سمنة بلدي كحك كحك بالملبن
الطحان: كحك زي اللي كانت بتعمله جدتك زمان
بواسطة
Mohamed Talaat

في مغامرة جديدة لـ”كايرو 360″، قررنا نروح مكان مميز بيقدم كحك وباقي منتجات العيد زي البسكويت والبيتي فور، بنتكلم عن منتجات شركة الطحان للصناعات الغذائية، ومقرها في العبور.

تجربتنا في المكان كانت مميزة جدًا، وهتستمتع جدًا بطعم البسكويت اللي وأنت بتاكله هتلقاه داب في بقك وواضح فيه طعم الزبدة البلدي، وكمان هتحس بنفس جدتك لما كانت بتعمله في البيت زمان، وكفاية إنك لما تاكل قطمة منه فورًا هتفتكر جدتك بالدعاء الصالح.

أما الكحك فإحنا جربنا الكحك بالملبن، وده عبارة عن قطع مشكلة من الألماس المتخفي ومحشي “ملبن”، وبيقولوا عليه “كحك العيد”، بس هو سيمفونية العيد، أو أوركسترا مابعد العيد، وكمان ميزته إنه بييجي خالي من السكر تمامًا، ومعاه كيس سكر “بودرة”، علشان لو حابب ترش عليه قبل ما تاكل تقدر تعمل ده، وكمان مرضى السكر يقدروا ياكلوا منه بدون خوف.

أما البيتي فور، فمش لاقيين وصف له، من كتر حلاوته وطعمه المميز اللي بيخليه يدوب في بقك، وكمان الزبدة البلدي عاملة شغل عالي في تحديد الطعم وجودته.

شركة الطحان عاملة خدمة الدليفري مجانًا لأي مكان داخل القاهرة الكبرى، وبيوصل تاني يوم على طول مع عربية تابعة لهم “مش مندوب شحن”، وعندهم عرض مميز جدًا إنك ممكن تشتري “كيلو كحك – 3/4 كيلو بسكويت – 3/4 كيلو بيتي فور” باجمالي 2.5 كيلو مع بعض بسعر 200 جنيه، كل اللي عليك إنك تتصل أو تبعت لهم رسالة على واتس آب رقم 01111115891.

 

العنوان: الطحان للصناعات الغذائية : القطعة 15 – بلوك 20017 – الامتداد الغربى – المنطقةالصناعية الاولى العبور.

تليفون: 01002994422

كل سنة وأنتم طيبين!

مقترح