The Definitive Guide to Living in the Capital , Cairo , Egypt

بالأسعار.. دليلك لشراء أحلى “حلاوة مولد” في القاهرة
    بواسطة
    Cairo 360

    رنا شرف

    كل سنة وكل المصريين بخير، المولد النبوي مناسبة جميلة، كل المصريين –بغض النظر عن معتقدهم- بيحبوها. ومصر من البلاد القليلة في العالم اللي بتحتفل بالمولد النبوي بالشكل المميز والمختلف ده، اللي كله حب وروحانيات وفرحة حقيقية من القلب.

    وبمناسبة المولد النبوي، هنعرفكم على أفضل وأشهر محلات بتعمل حلويات مولد مميزة وأسعارها معقولة في القاهرة لعام 2022.

     

    تسيباس

    من الأماكن المشهورة الحلوة والمميزة في القاهرة من سنين طويلة، تسيابس، اللي بيقدم السنة دي منتجات مميزة. عنده أسعار العلب الصغيرة بتبدأ من 55 جنيه، وفيها 8 أصناف ملبن وحمصية وملبن جيلي وطوفي فروالة. كمان فيه علب بـ195 جنيه، ودي بتكون 23 قطعة، وفيها لفة فولية ولفة سمسمية وملبن جيلي وبسيمة.

    كمان عندهم تشكيلة علب مميزة جدًا بتبدأ من 390 جنيه وبتوصل لحد1950.

    علشان تعرفوا أقرب فرع ليكم اتصلوا على: 19918

    العبد

    اسم مشهور وله جمهور كبير، عنده السنة دي العلب بيبأ سعرها من 65 جنيه ولحد 110 جنيه، العلب فيها أصناف مختلفة، أجملها اللديدة والسمسمية والملبن السادة والحمصية.

     علشان تعرفوا أقرب فرع ليكم اتصلوا على: 16437

     

    إيتوال

    إيتوال أصبح من الأسماء المعروفة في القاهرة، ودايمًا بيعمل جديد! إيتوال له كذا فرع، وبيقدم السنة دي علبة حلاوة المولد الصغيرة بـ55 جنيه وفيه علب بـ190 جنيه، و110 جنيه، ولحد 2400.

    علشان تعرفوا أقرب فرع ليكم اتصلوا على: 16312

     

    عبد الرحيم قويدر

    حلواني معروف للكل، وقديم جدًا في القاهرة، السنة دي عنده حلاوة المولد بيبدأ سعرها من 250 جنيه لعلبة العروسة والسعر بيوصل لحد 1150 جنيه، وسعر علبة رويال كوين 2500 جنيه، كمان عنده باكيت بيتباع لوحده، يعني ممكن تشتري باكيت سمسمية بـ50 جنيه، وباكيت نوجا أو نوجا لوز بـ25 جنيه.

    عبد الرحيم قويدر تقدروا تتواصلوا معه علي الرقم: 01206665599

    أبو الخير

    من المحلات اللي ليها خبرة في حلاوة المولد، وبتقدم منتجاتها بأسعار معقولة، وعندها علب بتبدأ من 150 جنيه، بيكون فيها سمسمية وحمصية وفولية ونوجا وقمر الدين، عندهم كمان علب بـ230 وعلب بـ250 وعلب كمان بـ560 جنيه.

    علشان تعرفوا أقرب فرع ليكم اتصلوا على: 01203333554

     

    الدمياطي

    حلواني مشهور في الجيزة كلها، عنده السنة دي علب بتبدأ من 85 جنيه، فيها فوليه وسمسمية وملبن وملبن جيلي، وفيه كمان عنده علب سعرها بـ95 جنيه، وعلب سعرها 155 جنيه، وعلب بـ260 وبتوصل الأسعار لحد 1500.

    علشان تعرفوا أقرب فرع ليكم اتصلوا على: 0235728700

     

    إكسبشن

    حلواني معروف وله فروع كتير، وحلاوة المولد عنده متقسمة لكذا علبة، منهم علبة أطفال فيها 16 قطعة بـ65 جنيه، وعلبة 30 قطعة بـ550، والعلب فيها ملبن وحمصية وفستقية. المحل بيقدم كمان علب بـ425 وبـ1395 جنيه.

    علشان تعرفوا أقرب فرع ليكم اتصلوا على: 16187

     

    كل مولد وأنتم بخير يا أهل القاهرة الكرام!

    مقترح