حكاية براند “تَدُس – TDS”: شنط مصرية تجمع بين الأصالة والابتكار بتوقيع عائلي
براند مصري براندات مصرية تدس شنط handmade شنط جلد شنط حريمي
Mohamed Talaat
في الغالب سمعة “العمة” في العائلات بتكون مظلومة، لكن من قلب القاهرة فيه عمة اتحدت مع مرات أخوها علشان يغيروا الصورة دي ويدخلوا سوا عالم الشنط في مصر. النتيجة كانت “تَدُس” TDS، براند مش مجرد مشروع تجاري، لكنه حلم بيجمع بين الذوق الرفيع والألفة الأسرية.
التحالف ده جمع بين دنيا، المهندسة اللي عندها حس إبداعي وقدرة على دمج الأفكار بشكل مبهر، وسمية، ربة المنزل اللي عندها خبرة بالجلود وعلاقات قوية بالكوميونتي الأوروبي. ومن هنا خرجت “تَدُس” بتصاميم مستوحاة من الأصالة المصرية لكن بجودة ومعايير عالمية تنافس أي براند.
البداية كانت من ملاحظة بسيطة: السوق المصري مليان صنايعية مهرة ومبدعين، لكن مجال الشنط تحديدًا كان منحصر بين خيارين؛ إما أسعار مبالغ فيها زي الماركات العالمية، أو تصميمات متكررة بتخلي الكل شبه بعض. هنا قرروا إن “تَدُس” يغير المعادلة، ويقدم شنط مختلفة بأسعار مناسبة وجودة عالية وهوية مصرية أصيلة.
البراند نفسه نتاج مزيج فريد.. دنيا، العمة المبدعة، اللي بتعرف تدمج الأفكار بشكل مبهر وتطلعها في صورة منتجات عملية وأنيقة، وسمية اللي عندها خبرة كبيرة في الجلود والتشطيب، وعلاقات مع المجتمع الأوروبي في مجال الموضة. التعاون بينهم خلق تصميمات بتجمع بين الأصالة المصرية والجودة العالمية، مع هوية عربية واضحة قادرة تنافس أي براند عالمي.
ليه اسم “تَدُس”؟
الاسم مش صدفة. “تَدُس” كلمة عربية أصيلة جايه من “دس الشيء”، وكل بنت فعلًا بتدس في شنطتها أسرارها وحاجاتها الخاصة. أما بالإنجليزية TDS فهي الأحرف الأولى من أسماء سمية وبنتها ودنيا، وده بيأكد المعنى الأسري في البراند.
حكاية كل شنطة
الشنط عند “تَدُس” مش مجرد إكسسوار، كل واحدة وراها حكاية. الفريق بيقضي وقت طويل علشان يدرس كل تصميم ويطلعه بشكل مختلف وفريد. لحد دلوقتي عندهم 3 موديلات أساسية:
نبض: تصميم مستوحى من القلب، بيرمز للحياة والقوة، وبيخلي كل واحدة تحس إن شنطتها مليانة طاقة وحيوية.
هاء: بيعكس البساطة والأناقة. ألوانه (البيج، البني، الأسود) مستوحاة من ألوان الأرض عند قدماء المصريين، اللي بترمز للثبات والصلابة. شنطة عملية جدًا، تنفع للنهار والليل، وتدي إحساس بالثقة.
زينة: موديل بلونين متداخلين مع فيونكة بسيطة، بيعبر عن شخصية مرحة وناعمة. خفيف ومميز، ويكمل أي ستايل. زي ما بتوصفه سمية: “اسم على مسمى”.
“تَدُس” مش بس بتبيع شنط، لكن بتبيع جزء من شخصيتك، قطعة بتعبر عن أصالتك وذوقك المختلف. كل الموديلات معمولة من جلد صناعي فاخر، بأسعار بتبدأ من 1000 جنيه للشنطة، والتسليم فوري بمجرد الطلب.
ممكن تتعرفوا أكتر على تصاميمهم وتابعوا جديدهم من خلال صفحتهم الرسمية على فيسبوك.
مقترح
الحياة في كايرو
الكليات المتاحة بجامعة القاهرة الأهلية لطلاب الثانوية العامة والأزهرية.. فرص محدودة احجز مكانك
القبول الجامعي الكليات المتاحة +6
معالم وسياحة
