The Definitive Guide to Living in the Capital , Cairo , Egypt

تسوق

دليل كايرو 360 لأفضل أجندات 2020

2020 أجندات أفضل الأجندات سنة جديدة
دليل كايرو 360 لأفضل أجندات 2020
    بواسطة
    Mohamed Talaat

    2020 على الأبواب، وبما إننا لازم كل سنة نعمل ترتيب لحياتنا، فمافيش حاجة ممكن ترتب حياتنا غير إننا نشتري أجندة جديدة لـ2020، وكمان مافيش أحلى منها هدية لكل اللي بتحبوهم، وفي السطور اللي جاية هنقولكم على أفضل وأقوى الأجندات اللي موجودة في القاهرة للسنة الجديدة، وكل سنة وأنتم طيبين.

    Daftar

    بيقدموا السنة دي مجموعة مختلفة من الأجندات بأشكال مختلفة ومنها “الفورمال – unicorn – panda – الفلامنجو – Dream catcher – الضفدع – البومة”، وهي مجموعة أشكال مختلفة ولكن المحتوى واحد، وبتتكون كل أجندة من ٣٦٥ صفحة، وبوكس كجراب للأجندة، ومقلمة، ومنظم أوراق، ونتيجة شهرية، واستيكرز، وكوستر، وبوك مارك، وكارت هدايا، ودفتر تلوين، ومتاحة بسعر 140 جنيه، في المكتبات المهمة في القاهرة، وكمان على صفحتهم على الفيسبوك من هنا.

    Ym Sketch

    “واي إم سكيتش” عندهم أجندة بإسم لوزليف، ومنها أشكال كتير جدًا تقدر تختار ما بينها، وهي مخصصة لكل المشغولين، بخلاف أجندات البهجة وThe little Black planner، وأجندة “الغباء موهبة”.

    تصميم الأجندة فيه صفحات بدون تواريخ، وكمان فيه جزء مخصص بيوضح جواه الإجازات الرسمية، وطبعًا دي حاجة مهمة لكل اللي بيشتغلوا في مصر، ومع الأجندة دفتر الجرد السنوي، وسنة في لمحة، وتقدر تحدد أهدافك المستقبلية جوه المكان مخصص لده، وتعرف إزاي تحط ميزانية، والأجندة بتيجي بمقاس 11.2 × 16.8، وفيها 2 مخطط عام، ومش مكتوب فيها تواريخ داخلية، ووزنها خفيف، وكمان معاها ملصقات تقويم مرجعية لعام 2020، وسعرها 175 جنيه.

    تقدروا تعرفوا أكتر عن الأجندة من خلال الموقع الالكتروني من هنا.

    أو تزوروا صفحتهم على الفيسبوك من هنا.

     مفكرة – Mofakera

    أ

    جندة مفكرة دايمًا مميزة، والسنة دي عاملين 5 تصميمات مختلفة، مركزين فيها على أن مساحة الكتابة تكون أكبر، ومع الأجندة السنة دي هدايا أكتر، والمجموعة بتتضمن أجندة يومية 416 صفحة، بغلاف مقوى، ٣٥ موضوع مختلفين عن موديل السنة اللي فاتت ، والصفحات ملونة، وصفحة كاملة لكل يوم تكتب فيها براحتك بتاريخ ميلادى وهجري، و12 صفحة تلوين مختلفة، ومقلمة Pencil Case بنفس تصمــيم الأجندة مقاسها 20×10.

    وكمان من ضمن هدايا الأجندة، تو دو ليست 50 صفحة تساعدك في تنفيذ مهامك، وبلانر حائط سنوى 40×60 فيها الأعياد السنوية وخانة لكل يوم تكتب فيها عندك ايه في اليوم ده، و4 شيت استيكرز مختلفين، و2 كوسترز من نفس تصميم الأجندة، مع مسطرة استنسل Stencil Planner تساعدك في التخطيط، وبوك مارك وكارت هدية، وورق هدايا، ده غير هدايا مختلفة، كل ده بسعر 165 جنيه.

    وتقدروا تعرفوا أكتر عن الأجندة من هنا.

    أو من خلال صفحة الفيسبوك من هنا.

    Space

    مشهورين بتميزهم وأجنداتهم الفخمة، والسنة دي بيقدموا 8 أشكال من الأجندات اليومية اللي سعرها 160 جنيه، وحجمها 20.5 × 15 وأجندة أسبوعية سعرها 110 جنيه، وحجمها 20.5 × 13، وكل بوكس أجندة بيكون فيه أجندة 2020 بغلاف مقوى، 416 صفحة، ورق كريمي، تجليد ملون، وكتيب تلوين، و12 بطاقة تهنئة، والقائمة المميزة، ومدونة ولوحات التقويم السنوي  مع مخطط السنة 2020، بحجم 64 × 42 سم.

    تقدروا تعرفوا اكتر من موقعهم الالكتروني هنا.

    أو صفحة الفيسبوك من هنا.

    Noota

    2020  سنة مميزة علشان رقمها، ونوتا كمان ميزوها بـ6 تصميمات مختلفة لأجندات السنة الجديدة، “البجعة – كلاسيك ماربيل – يونيكورن – سوبر جريل – تروبيكال – ميرميد”، مع 10 هدايا، والأجندة بتكون بمقاس  A4 فيها 40 صفحة تنظيم، و12 صفحة ألوان غير باقي الصفحات العادية اللي كل واحدة منها فيها رسالة مشجعة، وعلبة هدايا من الكرتون المقوى فيها مكان تكتب اسم الشخص سواء اسمكم أو حد هتهادوه، وتو دو ليست تقدروا تكتبوا فيها كل المهام اليومية.

    ومن ضمن الهدايا بوك مارك ‎بشكل تصميم كل أجندة، وويكلي بلانر لتنظيم المواعيد الأسبوعية بعدد صفحات 52 صفحة، و٣ شيتات ستيكرز فيهم أكتر من ١٠٠ ستيكر، وكالندر حائط كبير، وكالندر هرم مكتبي بيتقلب كل 4 شهور، وكل ده بـ145 جنيه.

    تقدروا تعرفوا أكتر بزيارة موقعهم الالكتروني من هنا.

    أو صفحة الفيسبوك من هنا.

    Spectrum

    الأجندة الأسبوعية السنة دي 2020 من سبكترام  هتكون أسبوعية، وسعرها 125 جنيه، وبتتكون من 176 صفحة مقاس  14×20 بغلاف مقوي. وبتيجي مع علبة خارجية وداخلية للحفاظ على الأجندة طوال السنة، والسنة دي عندهم مميزات كتير جدًا مش هنقدر نقولها كلها ولكن أهمها أنهم زودوا فونط الخط وكبروا الورق عن منتج السنة اللي فاتت وضافوا صفحات وخطط 2020 والأهداف وخلافه، وبييجي معاها بوكس هدايا “تو دو، ونوتس، ويور مود، ومساحات لكتابة الشوبينج بلان ونوت متابعة شهري للعادات والمصروفات واللي تم تحقيقه وغيرهم.

    تقدروا تعرفوا أكتر عن طريق الموقع الالكتروني من هنا.

    أو صفحة الفيسبوك من هنا.

    بداية

    الأجندة الشهرية  عندهم مميزة جدًا، وهي من رسومات الفنان كريستيان أنانيان، من أصحاب الهمم “ذوي الإعاقة”، وشهرته “كيكو” وهتتمتعوا بمنظر جميل وأنتم محتفظين بيها، وسعرها 125 جنيه فقط لا غير.

    زوروا موقعهم الالكتروني من هنا.

    أو صفحة الفيسبوك من هنا.

    Dots

    السنة دي بيقدموا نوعين، واحدة “مخطط أسبوعي”، وسعرها 260 جنيه، والثانية “مخطط شهري”، سعرها 230 جنيه، وفيه نوع مميز بـ400 جنيه، بشكل محترف، ومناسب لكل الأعمار، ومبدئيًا الأجندة كلها باللغة الإنجليزية، وجواها هتلاقوا مكان تكتبوا فيه رؤية وأهداف 2020، وتقويم السنة الجديدة، ونصائح أسبوعية متعلقة بالصحة والإبداع وغيرهم.

    كمان موجود داخل الأجندة التقويم الشهري، ومكان لمراجعات الشهر، وتأملات نهاية العالم، وخريطة ملصقات Milestone  لمختلف المعالم، ومتاح منها 4 ألوان (أسود، أخضر، أحمر، وأزرق)، وتقدروا تكتبوا اسم أي شخص على النتيجة.

    تقدروا تعرفوا أكتر من موقعهم هنا.

    أو صفحة الفيسبوك من هنا.

    Marketchino

    بصراحة منتجاتهم عجبتنا جدًا وهما عندهم أجندات بفئات مختلفة، منهم الأجندة الأسبوعية اللي فيها 224 صفحة ملونة على ورق فاخر، ولها جراب خاص، وغلافها من الجلد المطبوع، وتقدر فيها تكتب موضوعات مختلفة لعام أفضل، و12 موضوع شهري للتخطيط، ده غير الهدايا اللي هي عبارة عن 4 شيت استيكرز، وبلانر سنوي حائطى، وكوستر، وبوك مارك وسعرها 110 جنيه.

    كل ده داخل عبوة هدية رائعة الجمال.

    أما النوع الثاني من الأجندات فهو بـ160 جنيه، وصفحاته 416 صفحة، وفيه مكان للكتابة العادية لتنظيم حياتك، وقصص نجاح ملهمة لتحفيزك، ونوت 365 صفحة ليومياتكم، ومعاه هدايا بوك مارك بنتيجة العام، كتيب stickers sheets، وبلانر شهري، و12 كارت معايدة لمناسبات السنة الجديدة، وكتاب تلوين 24 رسمة، وزينة 2020، وتودو ليست، وبلانر سنوي، وكوستر، ده غير كارت الإهداء.

    النوع الثالث من أجندات ماركتشينو اللي هو الأغلى بـ220 جنيه، وده مخصص للبنات، ولونه بينك، وتقدروا تختاروا من بين 24 تصميم مختلف، وبييجي في بوكس متغلف وله جراب جلد فيه مكان للقلم وحزام أستيك للربط، وفيها صفحات للعادات الأسبوعية والتقييم الشهري، والهدايا بتكون نتيجة مكتب بنفس التصميم، وقلم رصاص محفور ليزر، وكوستر، وفاصل كتاب، ونتيجة حائط، وملزمة قائمة المهام، وبوكس السعادة اللي فيه 30 رسالة، و12 شكل استيكر مختلف، وكارت خصومات هدية.

    تقدروا تزوروا موقعهم الالكتروني من هنا.

    وصفحة الفيسبوك من هنا.

    مقترح