بواسطة
Cairo 360
شركة مراكز اللي بتمتلك مول العرب، وقعت مذكرة تفاهم مع شركة الفطيم مصر للتجزئة، اللي بتمتلك مول كايرو فيستيفال سيتي. لافتتاح فرع من سلسلة متاجر أيكيا، في مول العرب في نهاية 2020. وده حسب ما صرح موقع “مصراوي”.
أيكيا هي أكبر شركة منتجة للأثاث المنزلي الجاهز في العالم كله. بالإضافة للإكسسوارات، وتجهيز المطابخ والحمامات. أسسها “إنجفار كامبراد” سنة 1943 في السويد. ودلوقتي بيمتلكها ويديرها بمشاركة مجموعة هولندية. وأول فرع لأيكيا في مصر اتفتح في كايرو فيستيفال سيتي سنة 2013.
أما فرع مول العرب الجديد هيكون الثاني في السوق المصري. وعلى مساحة 20000 متر مربع.
