The Definitive Guide to Living in the Capital , Cairo , Egypt

تسوق

 في الشارع وجعان؟ أرخص منتجات مخبوزات جاهزة هتشبعك

أفضل باتيه جاهز أفضل منتجات كرواسون جاهزة أكلات سريعة في القاهرة منتجات مخبوزات جاهزة
 في الشارع وجعان؟ أرخص منتجات مخبوزات جاهزة هتشبعك
    بواسطة
    Cairo 360

    رنا شرف

    لو في الشارع أو في الشغل، وحسيت إنك جعان وعاوز حاجة سريعة وسعرها بسيط، يبقى أفضل حل عملي هو إنك تشتري منتج مخبوزات جاهزة زي الباتيه أو الكرواسون من أقرب كشك بقالة أو سوبر ماركت.

    تعالي نقولك علي أفضل وأرخص أنواع جربناها في شوارع القاهرة.

    مولتو.. الأشهر

    منتجات مولتو مسيطورة في الشوارع، وناس كتير متعلقة بيها من ما طلع ولحد دلوقتي، وأفضل منتجاتهم هي الكرواسون بالشوكولاتة والفراولة، وعندهم كمان أنواع حادقة مميزة، منها الجبنة بأنواع مختلفة، زي الجبنة بالشطة والجبنة العادية. وسعره بيعتبر الأفضل في القاهرة.

    مونجيني.. مش بس حلويات

    مش كتير يعرفوا إن شركة مونجيني بتعمل مخبوزات جاهزة سواء باتيه أو كرواسون، هتلاقوه في أكشاك الشركة في محطات مترو الأنفاق أو حتى في المحلات والأكشاك العادية في الشوارع.

    أجمد منتجات عندهم هي الجبنة والشوكولاتة والجبنة الرومي والباتيه بالخضروات، والمنتجات فعلًا جودتها حلوة.

     

    دومتي.. أحلي حشو شوكولاتة

    دومتي معروفة بأنها ماركة جبنة مشهورة ومافيش حد تقريبًا ماجربش منتجاتهم، لأنها جميلة وخفيفة. دومتي عندها منتج اختراع اسمه ساندوتش، حاجة تشبه بالباتيه والكرواسون منها بحشوات شوكولاتة وجبنة وجبنة رومي، والحقيقة إن دومتي منافس قوي للماركات القديمة في السوق وخصوصًا بحشو الشوكولاتة اللي عملت منه سبريد شوكولاتة. لازم تجربوه.

    مقترح