The Definitive Guide to Living in the Capital , Cairo , Egypt

لعشاق المصيف.. 5 أماكن في القاهرة لبيع ملابس البحر
بواسطة
Mohamed Talaat

الصورة: Evgeniy Alyoshin

الصيف يعني بحر، والبحر يعني روقان، والروقان في لمة الأسرة تحت شمسية على الشط وسط السناكس والمشروبات، وكل فرد من الأسرة في الرحلة المميزة للبحر بيكون محتاج ملابس بحر مناسبة وعلى ذوقه، وعلشان تكون الرحلة متكاملة وهنعرفكم على 5 أماكن مميزة تقدروا تشتروا من عندهم ملابس بحر للجنسين سواء كبار أو صغار.

 

Glo Swim

بيقدموا للسيدات مجموعة زاهية من الألوان مع خامات بجودة عالية، ومن مميزاتها أنها بتجف بسرعة وبتدي حماية من الأشعة فوق البنفسجية الضارة، وكل منتجاتهم بتتكون من توب وبنطلون وجيبة بأسعار بتبدأ من 2000 جنيه، وعندهم قسم للأطفال فيه كل اللي هيحتاجوه.

تقدروا تعرفوا أكتر عنهم من خلال الموقع الإلكتروني من هنا.

 

Le Maillot

متخصصين في ملابس البحر للمحجبات، وتصميماتهم بتجمع بين البساطة والجمال والرقي، وألوانهم هادئة، والأسعار عندهم بتبدأ من 950 جنيه.

تقدروا تعرفوا أكتر عنهم من خلال الموقع الإلكتروني من هنا.

 

Kai collections

عندهم مجموعة مميزة من ملابس البحر للرجال، والخامات عندهم ممتازة وهتخليكم مرتاحين طوال وقت الشاطئ أو حمام السباحة، وكمان بيتميزوا أن عندهم قسم خاص لاختيارات الآباء مع أبنائهم والأسعار تبدأ من 840 جنيه.

تقدروا تعرفوا أكتر عنهم عن طريق الموقع الإلكتروني من هنا.

 

EAU

لو بتدروا على الجرأة في التصميم والجودة المختلفة ومعالجة للأشعة الفوق بنفسجية وجفاف بسرعة فأكيد هتلاقوا اختياركم المناسب معاهم، وكمان بيوفروا مع شورت السباحة للرجال قمصان كتان علشان التمشية على البحر، وأسعارهم بتبدأ من 850 جنيه.

تقدروا تعرفوا أكتر عنهم من خلال الموقع الالكتروني من هنا.

 

Sandi

أما الأطفال فده براند متخصص في ملابس السباحة الخاصة بهم وبتكون جودتها أعلى وتصميماتها مختلفة ومتنوعة وخامتها مريحة، وهما بيوفروا ملابس بحر للأطفال من عمر سنتين حتى 16 سنة، وأسعارهم بتبدأ من 1200 جنيه.

تقدروا تعرفوا أكتر عنهم من خلال الموقع الالكتروني من هنا.

مقترح