The Definitive Guide to Living in the Capital , Cairo , Egypt

تسوق

لو نفسك تشتري كتاب.. دليلك لأفضل 5 مكتبات في القاهرة

أفضل مكتبات القاهرة أهم المكتبات في القاهرة بيع كتب شراء كتب مكتبات القاهرة
لو نفسك تشتري كتاب.. دليلك لأفضل 5 مكتبات في القاهرة
    بواسطة
    Mohamed Talaat

    مصر فيها عدد كبير من المكتبات اللي بتوفر أحدث الإصدارات المصرية والعربية وكمان المترجمة، وفي مكتبات القاهرة هتلاقي أهم وأفضل الكتب باللغة العربية وبلغات تانية منها الإنجليزية والفرنسية.

    في الموضوع ده هنعرفكم على أهم وأفضل 5 مكتبات في القاهرة، بتوفر كتب مميزة، وخدمة عالية.

     

    مكتبة الشروق

    الشروق واحدة من أشهر وأهم المكتبات في القاهرة، بتضم مجموعة كبيرة من الكتب في مجالات متعددة. وهتلاقوا عندهم أهم الإصدارات في مجالات العلوم والفلسفة والفنون والتاريخ وطبعًا الأدب. بيميز المكتبة وجود إصدارات كتب عمالقة الأدب العربي زي نجيب محفوظ وتوفيق الحكيم ويوسف إدريس وغيرهم.

    أشهر فروع المكتبة وأقدمها هو فرع طلعت حرب بقلب القاهرة القريب جدًا من ميدان التحرير.

     

    مكتبة Cherry Blossom Books

    من أجمل المكتبات في القاهرة. شيري بلوزوم بووكس هي المكتبة المصرية الوحيدة التي بتوفر بشكل حصري كل أنواع الكتب الإنجليزية اللي بتيجي من أمريكا. وأسعارها مميزة.

    المكتبة فيها تشكيلة هايلة من الروايات الأمريكية الحديثة وسلاسل الكوميكس الأمريكية والمانجا اليابانية.

    هتلاقوا المكتبة في بورتو كايرو مول بالدور الأول.

     

    مكتبة ديوان

    وهي من أشهر سلاسل المكتبات في مصر، غير إنها بتقدم كتب مهمة، هتلاقوا عندهم دائمًا ندوات مهمة وحفلات توقيع.

    مكتبة ديوان باختصار هي كيان أدبي قوي جدًا، وبتُعتبر من أهم منافذ بيع الكتب والأعمال الأدبية في مصر.

     

    مكتبة تنمية

    من أجمل مكتبات القاهرة، اللي هتلاقوا فيها أهم الكتب، خصوصًا الكتب الل يمش موجودة في مكتبات تانية.

    عنوان المكتبة: 19 شارع هدى شعراوي، وسط البلد.

     

    المركز القومي للترجمة

    واحد من أهم الأماكن لاقتناء الكتب، بيضم مجموعة ضخمة من أشهر الكتب العالمية المُترجمة في مختلف المجالات الفكرية والعلمية. من أهم مميزات المركز هو الانفتاح على جميع اللغات حيث لا تقتصر التراجم على الإنجليزية أو الفرنسية فقط، بل يضم كتب مترجمة من الثقافات التركية والفارسية والصينية وأكثر.

    أسعار الكتب بالمركز مدعمة من وزارة الثقافة. وفيه تخفيضات للطلاب.

    بيقع المركز الرئيسي لمكتبة المركز القومي للترجمة داخل دار الأوبرا المصرية.

    مقترح