The Definitive Guide to Living in the Capital , Cairo , Egypt

ملوك السعادة.. 3 محلات في القاهرة عندهم أحلى شوكولاتة
    بواسطة
    Cairo 360

    رنا شرف

    الشوكولاتة مرتبطة معانا بالسعادة والفرحة والمناسبات الحلوة، الشوكولاتة هدية جميلة ودائمًا موجودة في كل قصص الحب زيها زي الورد! هي كمان أفضل علاج للاكتئاب، ومصدر حقيقي للبهجة، وهي بجد المفتاح السحري اللي قادر يفتح لنا باب بيودي لعالم من الأحلام.

    تعالوا نعرف مع بعض أهم الأماكن اللي بتبيع شوكولاتة في القاهرة، واللي بالصدفة البحتة اسمهم فيه كلمة سعادة!

     

    صانع السعادة

    من الإسم كدة هنعرف إننا بنتكلم عن مكان مبهج، “صانع السعادة” عنده كل أنواع الشوكولاتة، المستوردة والمحلية، كمان المحل أسعاره زي كل محلات الشوكولاتة المستوردة فيها الغالي وفيها الرخيص.

    المحل له فروع في الرحاب في السوق الجديدة، وفي مدينة نصر تقاطع شارع كابول.

    سوق السعادة

    إسم كبير في عالم محلات الشوكولاتة، وبيقدم برضه شوكولاتة مستوردة من كل البلاد والماركات، وأسعاره متباينة، هتلاقوا حاجات غالية قوي، وحاجات تانية سعرها معقول.

    المكان له فروع في المهندسين والمعادي ومدينة نصر ومصر الجديدة.

     

     سكة السعادة

    سكة السعادة هيوصلك بجد للسعادة الحقيقية، ورفيقك في الرحلة هو الشوكولاتة، اللي هتلاقوها في المكان من كل الأشكال والأنواع، وبرضه أسعارها مختلفة.

    المكان له فروع في المعادي وفي النزهة.

    مشوار السعادة والشوكولاتة خلص. نرجع ولا نفضل مكملين؟

    مقترح