The Definitive Guide to Living in the Capital , Cairo , Egypt

مول العرب: مول عائلى لطيف فى مدينة 6 أكتوبر

مول العرب: مول عائلى لطيف فى مدينة 6 أكتوبر
written by
Emily Wright

أنت فى عربيتك وسط الطريق المهجور الواسع لمدينة 6 أكتوبر، وفجأة تحس أنك سافرت للخليج، والسبب أن المنطقة دى مثال حى على التحضر الأنيق مع المساحات الواسعة.
مراكز التسوق الموجودة فى الشرق الأوسط بـ تمثل صروح قائمة بذاتها، تقدر العائلة بكل أفرادها يقضوا فيها يوم كامل، واليوم ده يشمل الأكل، والترفيه، ولو عندك وقت
زيادة تقدر تعمل جولة وسط المحلات. الأكيد أن الاختيارات كثير ومتنوعة، بس علشان هو واحد من أكبر وأكثر المولات جذبًا للعائلة فى القاهرة، “مول العرب” يعتبر
منافس مهم. مكانه داخل مبنى عملاق، وكل حاجة فى مول العرب حجمها ضخم، ورغم كده ما قدرش يبهرنا بشكل كبير. تصميم المجمع كله على شكل دور واحد، وده بـ يسهل الوصول
لكل المحلات، وكمان صعب تتوه وسط متاهات من واجهات المحلات والأسانسيرات.

من الواضح أن تصميم المول ركز على راحة الآباء اللى عندهم أطفال صغيرين بـ يعيطوا، وعلشان كده فى كل ركن تلاقى حاجة تلفت نظر وتمتع كل العائلة. المول بـ يقدم
ألعاب وعربيات أطفال يقدروا يركبوها على الأرضيات اللامعة، ومهرجين بأرجل خشب، وكمان قسم كامل مخصص لإسعاد الأطفال الصغيرين. تقدر تدفع 80 جنيه وتسيب أطفالك
يقضوا وقت ممتع فى منطقة لعب لطيفة اسمها “بيلى بييز”، ودى للأطفال الأقل من 12 سنة. عندك كمان 13 شاشة عرض في ” Galaxy Cineplex” معروض فيها أحدث أفلام هوليوود والشرق الأوسط طوال اليوم.

من ناحية النظافة، المكان فعلاً مهتم بها والموظفين هناك كانوا متعاونين جدًا وقت زيارتنا، بس ما قدرناش نلاقى أى مكتب استعلامات أو نشرات ترويجية.

منطقة الفوود كورت مش واضحة، عبارة عن صفوف أكشاك صغيرة بـ تقدم أطباق عالمية على طريقة مطاعم نيويورك، مع أكلات من الشرق الأقصى، والمكسيك، وأوربا، ده طبعًا
بجانب مطاعم الأكلات السريعة الأمريكية المشهورة. مطاعم ثانية مألوفة بـ نرتاح فيها زى مورى سوشى
، وكاسبر & جامبينيز، و بول بيكرى، ودول كمان بـ يقدموا أماكن للجلوس فى المنطقة الخارجية، عدد كبير من الكافيهات بـ
يملأ المول والحاجة الحلوة فعلاً كانت أننا نلاقى مكتبة “نقطة” وهي مكتبة مجانية مفتوحة فى وسط الممشى لأى واحد نفسه يقرأ حاجة شيقة.

مول العرب فيه مئات المحلات، من ماركات الملابس العالمية، زى بيرشكا، وأكسسورايز، وناين ويست وجاب، والمحلية زى بينك باودر رووم وبيلا دونا،
وكمان عمالقة الإلكترونيات زى سونى وفيرجين ميجا ستور، ده طبعًا غير الأكشاك المستقلة المريحة
الموجودة على الممشى. فرع سبينيس اللى يشبه المخازن حجمه كبير بشكل يخوف، ورغم أنه يشبه وحوش الخيال العلمى، أكيد عندهم أى حاجة ممكن حد يحتاجها تحت سقف مموج
واحد.

لو كنت بـ تدور على نظارة شمس أو كنبة جديدة، مول العرب بـ يقدم مجموعة كبيرة تختار من بينها، لدرجة أن معرض الطارق للسيارات فاتح هناك. مجموعتهم من محلات الكتب
والمكتبات فيها قصور شوية علشان كل المتاح هو شوية أرفف بسيطة فى فيرجين ميجا ستورز أو مكتبة “أ”، والأخيرة قدرنا نلاقيها رغم أن مكانها مستخبى وراء المكان الجديد لبناء سينما
سيميولاتور 7D””.

يميز مول العرب شكله المدهش، وصفوف الأشجار، والساحة الرئيسية اللى بـ توفر جو مريح، ومساحة مناسبة للأطفال يقدروا يجروا فيها أو يركبوا القطار الصغير اللطيف،
وفى نفس الوقت يستمتع الكبار بالكافيهات الموجودة فى الهواء الطلق وروعة عرض “النافورة الراقصة” اللى لو كنت مكمل لحد بالليل يبقى لازم تشوف العرض الموسيقى
والأضواء المبهرة. النافورة هى مصدر فخر ومتعة مول العرب، وحاجة طبيعية أن الناس تروح مول العرب مخصوص علشان ينبهروا بسحرها.

ساحة جراج العربيات مجانية فى المول، رغم أنك موجود فى الخلاء، لكن فى النهاية هـ تبقى عملت كل حاجة علشان اللى أنت محتاجة من ماكينات الصرف الآلى، والعناية
بالأطفال والصيدليات كله موجود. مول العرب بـ يستغل الصحراء الواسعة، وعلشان كده المتسوقين يقدروا يستمتعوا بتجربة تسوق من غير ضغط عصبى وهم بـ يتمشوا وسط
الممرات العريضة، واللى أثبتت صعوبة المشى فيها رغم وجود عدد من العربيات والكراسى المتحركة.

الشيء اللى يحسب لمول العرب أن كل حاجة سهلة وبسيطة، وبـ يحاولوا يوفروا تجربة هادئة ولطيفة بعيدًا عن عناصر الإبهار السائدة فى كثير من مولات التسوق الأخرى.
علشان دلوقت بـ يعملوا توسعات جديدة، بـ يضيفوا فيها دور جديد ويرفعوا عدد المحلات الموجودة لـ 900 محل، أكيد إحنا كلنا عندنا اهتمام نعرف هل وسط كل ده هـ يقدر
مول العرب يحافظ على سحره المريح؟

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح