The Definitive Guide to Living in the Capital , Cairo , Egypt

نوكيا هـ تطلق موبايلN9  في سوق الشرق الأوسط في الأسابيع القادمة، نوكيا
N9  هـ يكون من أحلى وأحدث
الهواتف الذكية في السوق وهـ يكون موبايل شكله جديد وأنيق وتصميمه مبتكر وجديد
رفيع  ووزنه خفيف.

كايرو 360 لعبت شوية بالموبايل الجديد
اللي لسه هـ ينزل سوق الموبايلات، واكتشفنا أن بدل من زرار الرجوع للقائمة
الرئيسية هـ تمسح فقط على الشاشة وهـ ترجع للقائمة الرئيسية. لو أنت من مستخدمي «الآي
فون» أو «البلاك بيري»، هـ تلاقي نفسك متعود على زرار تدوس عليه يرجعك للقائمة
الرئيسية، صح؟ نوكيا N9  خلت العملية دي أسهل بكثير،
دلوقتي ممكن تمسح على الشاشة أو تحرك صباعك على الشاشة يمين أو شمال، أو فوق أو
تحت و هـ تلاقي نفسك رجعت للقائمة الرئيسية.

الحركة دي هـ تتعود عليها فترة لو أنت
من محبي سوفت وير «الآي فون» أو «البلاك بيري»، بس نوكياN9  عملت خطوة متطورة أكثر وخلت
في الموبايل ثلاث واجهات أو قائمات رئيسية للموبايل مصممين للتسهيل على المستخدمين
ويقدروا يوصلوا للحاجات المفضلة لهم
بطريقة أسرع: استخدام التطبيقات، أو التعرف على مواعيدك ويجي لك إنذارات وتقدر
تشوف أخبار الشبكات الاجتماعية وتقلب ما بينهم بطريقة أسهل.

بدون شك واحدة من أفضل المميزات في
نوكيا N9 الجديد هو التصميم الدقيق من قطعة واحدة من “البولي كاربونيت”
اللي بـ يخلي “الأنتنا” تعمل بشكل أحسن يعني هـ يكون فيه استقبال أفضل وجودة
صوت أحلى. يعني بعد كده ما تقدرش تلوم الموبايل بتاعك على اسقبال ضعيف أو أن المكالمة
تقطع فجأة.

الهاتف الذكي ده
زجاجه رقيق مقاوم للخدش ومنحني والشاشة بتاعته 3.9 بوصة باللمس، من أول نظرة للموبايل
فكرنا بـ أي فون 4 لكن التصميم ده أخف وله انحناءه من الأطراف وده بـ يجعله أسهل
في الحمل وشكله كمان أحلى.

من الحاجات الثانية المتألقة في N9 هو أنه بدل ما
يكون فيه نور أحمر على طول في الموبايل، المستخدمين هـ يشوفوا إنذارات علىN9  في الشاشة الغامقة. مافيش
حاجة هـ تنور وتطفي أو حاجة على طول منورة بدل كده شاشة الموبايل بـ تظهر فيها إنذارات
المكالمات وتاريخ المكالمة والوقت.

الاختراع الصغير والمبتكر ده من نوكيا
بـ يعطي للناس “وقت أكثر علشان يبقوا موجودين” وده حسب كلام رئيس نوكيا
العالمية للتصميم «ماركو أهيتساري». ووضح أهيتساري أن العناصر الخفية اللي في
تصميم الموبايل غرضها أن المستخدم يفضل رأسه لفوق مرفوعة ومركز في حاجة ثانية غير
الموبايل بدل ما هي على طول مدفونة في موبايلاتهم.

فكرة أن سمارت فون ابتكرت ابتكارها ده
علشان يخلي الناس أقل إدمانًا للموبايلات في حد ذاتها فكرة رائعة، الموبايل الجديد
هـ يجذب مدمني الموبايلات أنهم يجربوا. أهيتساري قال عن N9 أنه اثنين
موبايل، يعني موبايل يخليك تستخدمه بيد واحدة من غير ما تفضل كل شوية بـ تبص فيه،
كل اللي أنت محتاجه هو حركة من أصابعك و هـ تكون خلصت.

غير أن الكاميرا بتاعته قوية جدًا و
الجودة عالية 8 ميجابيكسل، الصور جودتها عالية ونظيفة، الفيديوهات جودتها عالية.
عدسة الكاميرا الكبيرة بـ تصور صور حلوة مع وجود ضوء خفيف، يعني مافيش صور ثاني
مهزوزة أو شكلها غريب. ولأي حد بـ يحب صور الموبايلات الكاميرا دي هـ تكون ميزة إضافية
في الموبايل.

وكمان علشان تشوف الفيديوهات بتاعتك
بطريقة أفضل فيه شاشة 16:9 هـ تقلب الموبايل بالعرض وتقدر تتفرج على الفيديو
بطريقة أفضل. كمان جودة الصوت رائعة لأن N9 أول هاتف ذكي يستخدمDolby® digital  مع سماعات دولبي الرائعة.  

من الحاجات الحلوة في نوكيا N9  أنه بـ يقدم تصميم بسيط وسهل
الاستعمال وبـ يخلي حياتك أسهل وأخف من غير ما يخليك تبقى في حالة إدمان أنك كل
شوية تبص على حاجة. هـ يبقى في سوق الشرق الأوسط في أول أكتوبر 2011 ومن المتوقع أن
سعره يكون ما بين 4449 جنيه لـ 16 GB  و 4999 جنيه لـ 64 GB  .