The Definitive Guide to Living in the Capital , Cairo , Egypt

هتخليك أجمل.. دليلك لشراء نظارة شمسية صحية في القاهرة
    بواسطة
    Mohamed Talaat

    النظارة الشمسية جزء مهم من الشياكة، لكن الأهم من كدة إنها بتحمي عينك من آشعة الشمس الضارة، لكن مهم تبقى عارف إن فعالية النظارة الشمسية في حماية العين من الآثار الجانبية التي قد تسببها الأشعة فوق البنفسجية بتتوقف على مدى مطابقاتها لمواصفات السلامة والأمان، وده بحسب تقرير حديث نشره موقع الكونسولتو الطبي.

    في الموضوع ده هنعرفك على أهم الأمور اللي لازم تاخد بالك منها لما تقرر تشتري نظارة شمسية، علشان توفر لعينك أقصى حماية ممكنة.

     

    مواصفات النظارة الشمسية الصحية

    وأنت رايح تشتري نظارة شمسية، لازم تتأكد من التالي:

    – إن النظارة الشمسية اللي هتشتريها بتحتوي على ملصق مدون عليه “حماية 100% ضد أشعتي “UVA وUVB”.

    – النظارة الشمسية يكون لها إطارات كبيرة، علشان تغطي العين بالكامل.

    – عدسات النظارة الشمسية لازم تكون مستقطبة، وده معناه إنها بتحتوي على فلتر يحمي العين من الوهج الناتج عن انعكاس ضوء الشمس على الأسطح المستوية.

    إزاي تشتري نظارة شمسية مناسبة لشكل الوجه؟

    نقل موقع الكونسولتو عن شبكة CNN، إن فيه إرشادات مهم الانتباه إليها عند شراء النظارة الشمسية، هتساعدك تختار النوع اللي بيتناسب مع شكل الوجه، وهي:

    1- النظارة الشمسية للوجه البيضاوي

    يستحسن تجنب النظارات الشمسية ذات الإطارات الضيقة، لأنها بتخلي الوجه البيضاوي شكله أطول.

    2- النظارة الشمسية للوجه المستدير

    النظارات الشمسية المربعة والمستطيلة اللي ليها إطارات ضيقة هي الأفضل.

    3- النظارة الشمسية للوجه المربع

    النظارات الشمسية الدائرية على شكل فراشة أو عين القطة.

    4- النظارة الشمسية للوجه على شكل قلب

    بتعتبر النظارات اللي بتحقق توازن بين منطقتي الحاجب والذقن خيارًا ذكيًا.

    مقترح