The Definitive Guide to Living in the Capital , Cairo , Egypt

ليه لازم تتفرج على ونوس في رمضان؟

ليه لازم تتفرج على ونوس في رمضان؟
بواسطة
Ahmed Abd El Gawad

الفكرة:

فكرة المسلسل بتدور حوالين أسرة مصرية، وبنشوف معاهم الضغوط والمشاكل اليومية اللي بيتعرضوا لها، والفكرة معتمدة على يحيي الفخراني اللي بيقوم بأداء شخصية أب لأربع أولاد، وبيظهر له "شيطان" اسمه "ونوس" واللي بيقنع الأب بالغواية، علشان يسيب عياله ويبدأ في رحلة يتبع فيها هواه، وبيرتكب فيها المعاصي، وبيتسبب في العديد من المشاكل لناس كتيرة، وبيفرق بين الأزواج، وبيحرض الناس على ارتكاب المعاصي بذكاء ومكر. وبتستمر رحلة "الفخراني" مع الشيطان لمدة 20 سنة، لكن مع تطور الأحداث بيحس بالندم ويقرر التكفير عن خطاياه ويرجع لولاده، لكنه بيتفاجيء باللي حصل لهم.

الأبطال:

وجود يحيي الفخراني ونبيل الحلفاوي وهالة صدقي، في عمل واحد، يخليك تفكر كتير حوالين التجمع ده ممكن يخرج عمل شكله عامل إزاي؟

الإخراج:

المخرج شادي الفخراني، معروف عنه اهتمامه بالتفاصيل والتدقيق عليها، وله كتير من الأعمال الناجحة، وده بيرشح المسلسل أنه يبقى في الصدارة.

المؤلف:

عبد الرحيم كمال الكاتب الصوفي والتاريخي الجميل، لما يتحول ويكتب اجتماعي، برضه تجربة جديرة بالمتابعة والتركيز.

 

معلومة ع السريع

المسلسل كان اسمه فى الأول "فى بيتنا ونوس" وبعدين غيروه إلى "فتنة" وبعدين استقروا على "ونوس" وبصراحة الإسم يشد.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح