The Definitive Guide to Living in the Capital , Cairo , Egypt

نادرًا لما نلاقى مكان ممكن يجمع أكثر من نشاط للأسرة كلها.. يعنى الأب والأم والأولاد،ولأن أغلب مشاكلنا لما نحب نشترك لأولادنا أو لنفسنا فى أى نشاط وفى أى مكان دائمًا بـ تقابلنا أو الأم بصفة خاصة بـ تقابلها مشكلة الأولاد هـ يكونوا فين فى الوقت ده؟!طيب لو العكس بـ تفكر ممكن تضيع وقتها فينوهـ تعمل إيه فى وقت نشاط الأولاد؟..كايرو 360 اكتشفت لكمالنهارده مكان ممكن يجمع الأسرة كلها.

أكاديمية حياة للرياضة (Hayah Sports Academy (HSA مُلحقة بمدرسة فى التجمع الخامس، يعنى لو كنت من سكان التجمع هـ تكون محظوظ.. مدرسة وأكاديمية فى نفس الوقت، خلينا نتكلم عن الأكاديمية والأنشطة اللى ممكن توفرها لطلبة المدرسة ولغير الطلبة وأولياء الأمور كمان.

الأكاديمية مفتوحة للأعضاء من11 سنة تقريبًا، بـ تضم العديد من الأنشطة الرياضية هـ نذكرها كلها مع نبذة سريعة عن الأسعار والأعمار اللي ممكن تلتحق بالأكاديمية، الالتحاق بالأكاديمية بـ يبدأ من سن 3 سنين، فى الغالب السن ده بـ يشترك فى السباحة بس  وممكن جومباز لو أمكن وبـ تقبل زى ماقولنا لحد أولياء الأمور.

 

أنواع الأنشطة:

كرة القدم (أكاديمية برشلونة): بـ تقبل الأطفال من 4 سنين إلى 14 سنة، المدربين بـ يكونوا من نادى برشلونة حتى البرنامج اللى بـ يُطبق أثناء التدريب بـ يكون مقتبس من نادى برشلونة، السعر حسب الاتفاق من حيث السن والمواعيد،3 مرات أسبوعيًا.

كرة السلة: بـ تقبل الأطفال من 6 سنين فيما فوق، بـ500 جنيه للشهر الواحد، للـ3 أيام أسبوعيًا.

كرة اليد: بـ تقبل الأطفال من 12 سنة فيما فوق، بـ400 جنيه للشهر الواحد، للـ 3 أيام أسبوعيًا.

السباحة: بـ تقبل الأطفال من 3 سنين فيما فوق، وبـ تنقسم إلى 3 مستويات، المستوى الأول بـ 300 جنيه للمبتدئين من الأطفال، المستوى الثانى بـ 500 جنيه سواء  للسيدات أو الرجال بداية من 13 سنة فيما فوق، المستوى الثالثللمحترفين بـ 600 جنيه، الأسعار كلها للشهر الواحد، بعضها لليومين وبعضها للـ 3 أيام أسبوعيًا.

الجُمباز: بـ يقبل الأطفال من 4 سنين لـ10 سنوات، بـ500 جنيه للشهر الواحد،3 أيام أسبوعيًا.

الكاراتيه:بـ يقبل من 4 سنوات فيما فوق، بـ400 جنيه للشهر الواحد، 3أيام أسبوعيًا، للمحترفين بـ450 جنيه شهريًا 4 أيام أسبوعيًا.

التايكوندو:بـ يقبل الأطفال من 6 سنوات فيما فوق، بـ400 جنيه للشهر الواحد، مرة أسبوعيًا.

السكواش: بـ يقبل الأطفال من 5 سنوات، بـ400 جنيه شهريًا، المواعيد متاحة يوميًا.

 

فيه كمان أنشطة ممكن تمارسها زي الـ Paintballاللى بـ تقبل الأطفال من 8 سنوات فيما فوق بـ400 جنيه شهريًا، المواعيد متاحة يوميًاكمان، وكمان ممكن تروح الجيم Gymللسيدات والرجال لكل منهم مواعيد خاصة، بـ يقبل الاشتراك من 8 سنوات بـ400 جنيه شهريًا، و1400 جنيه للـ6 شهور، و2500 جنيه للسنة، شاملة جيم وسباحة وجاكوزى، عدد المرات حسب الاتفاق.

بالإضافة إلى وجود إمكانية إيجار ملعب كرة القدم بـ150، 250 جنيه للساعة الواحدة ، وإيجار حمام السباحةكمان بـ 150 جنيه للساعة الواحدة،وملعب Basketball 350 جنيه للكبير، والصغير 250 جنية للساعة، كلهم متاحين يوميًا.

الحقيقة أن فيه سلاسة فى التعامل فى الإكاديمية، أنت ممكن لو حابب تأخذ فكرة سريعة عن الأنشطة الموجودة وتجرب بعضها ده متاح وبدون اشتراك شهرى، هـ نقول مثلاً عن حمام السباحة موجود حمامين واحد مكشوف وده لغير الأعضاء الساعة الواحدة بـ25 جنيه، والمُغطى للأعضاء فقط ده بـ يكون دافئ (heated) طوال السنة.

أما عن الأنشطة المقترحة خلال المرحلة المقبلة هى الأيروبكس للسيدات بـ50 جنيه شهريًا، والأكوا زومبا (رقص زومبا فى الماء) ودى بـ تكون عبارة عن رقص زومبا للسيدات داخل حمام سباحة مُغطى والمشرفين من السيدات، بـ100 جنيه للساعة الواحدة.

مواعيد الأكاديمية من 3:30ظهرًا إلى 10 مساءً طوال أيام الأسبوع، وممكن تتصلوا بهم وتعرفوا العنوان وتفاصيل ثانية من خلال صفحتهم على الفيسبوك أو الموقع الإلكترونى.