The Definitive Guide to Living in the Capital , Cairo , Egypt

ركوب الدراجات في القاهرة بقى حاجة مهمة لناس كتير، وكمان فيه ناس أكتر نفسها تخوض التجربة دي ولكن بيبقوا فاكرين نفسهم مش هيقدروا يسوقوا عجل، سواء علشان السن أو اللياقة أو الخوف، لكن الحقيقة أن أسهل وأجمل رياضة هي ركوب “العجل”، وخاصة في شوارع القاهرة الجميلة بسحرها الليلي، وعلشان كده النهاردة هنقول لكم على كل اللي محتاجين تعرفوه عن أكاديمية bike Zone لتعليم ركوب الدراجات.

أولًا Bike zone مش مجرد مكان بيعلم ركوب الدراجات وبس، لا ده كمان عندهم إيجار وبيع للعجل وبيعملوا رايد كل جمعة في محيط مصر الجديدة ومدينة نصر، وده بيكون كل جمعة لكل الفئات، وكمان بيعملوا رحلات سفر بالعجل واللي بتحتاج تدريب كويس قبلها طبعًا، وده غير إنهم بيعلموا “سكيتينج” وعندهم محلات فيها كل قطع غيار العجل ومستلزماته.

نيجي بقى لتعليم ركوب العجل، وهو متاح تقريبًا في كل مناطق القاهرة الكبرى، والتعليم بيبدأ من سن 6 سنين لحد سن 60 سنة، ومش هيفرق الوزن كمان، وبيكون ليهم أماكن محددة للتعليم زي في مصر الجديدة قدام حديقة الميرلاند، وفي مدينة نصر بيكون عند بانوراما أكتوبر، أما الدقي فبيكونوا جنب مجلس الدولة، والمعادي، بيكونوا ناحية كارفور، وكمان بيعملوا تدريبات في التجمع وزايد ومدينتي والإسكندرية.

كورس التعليم بيكون مرتين من خلال سيستم وبرنامج متخصص من خلال خبراء، واللي بيدربكم كباتن مؤهلين، وكمان بيوفروا عجلة التدريب مجانًا، وكمان التعليم بيكون برايفت لكل شخص لوحده.

تقدروا تعرفوا أكتر عن bike zone من خلال صفحتهم على فيسبوك من هنا.