The Definitive Guide to Living in the Capital , Cairo , Egypt

صحة ولياقة

اتعرفوا على حكاية أول “روبوت” مصري لفحص مرضى فيروس “كورونا”

ابتكار مصري روبوت روبوت مصري كورونا مصر
اتعرفوا على حكاية أول “روبوت” مصري لفحص مرضى فيروس “كورونا”
    بواسطة
    Mohamed Talaat

    نجح مهندس مصري في تصميم إنسان آلي (روبوت) بيتم التحكم فيه عن بُعد، ويقدر ياخد مسحات من المشتبه في إنهم مرضى بفيروس “كورونا” المستجد.

    والروبوت اللي صممه المهندس محمود الكومي، المتخصص في الميكاترونيكس، هدفه مساعدة أفراد الأطقم الطبية خلال الجائحة وتقليل الخطر اللي ممكن يتعرضوا له أثناء تعاملهم المباشر مع المصابين بالفيروس.

    وبعد أكثر من شهر من العمل، أصبح النموذج الحالي للروبوت قادر على قياس درجات الحرارة وأخذ مسحات من الفم وكمان تقديم النصح للناس بخصوص الرعاية الصحية المناسبة.

    وإلى جانب استخدامه في المستشفيات، ممكن كمان استخدام روبوت المهندس محمود الكومي في مراكز التسوق والبنوك والمطارات لفحص درجات حرارة المترددين واكتشاف الناس اللي مش لابسة كمامات.

    وقال محمود الكومي في تصريحات إعلامية إن “الروبوت له مهام مُخصصة بيتعامل من خلالها مع فيروس كورونا، منها قياس أو اكتشاف المشتبه فيهم سواء في الأماكن العامة والمولات والبنوك والمطارات، وكمان يقدر يقيس درجة حرارة الشخص ولو اكتشف إن شخص عنده حمى فبيقوم بعمل إنذار”.

    والكومي شغال حاليًا على تطوير الروبوت علشان يكون قادر على أخذ مسحات الأنف وكمان يحاكي حركة يد الطبيب بدقة أكبر.

    وأضاف إن الروبوت هيقدر “ياخد مسحة البصمة الجينية ومسحة البي.سي.آر، بدل الفني أو الطبيب. وحاليًا يقدر الروبوت ياخد المسحة من الفم من الجانب الأيمن. وفي النسخة الثالثة من الروبوت هيكون قادر على أخذ المسحة من الأنف وبكل دقة، وهيكون كأن الطبيب هو اللي بيحرك إيده بالظبط”.

    وييتمنى الكومي أن المستشفيات والعيادات تقدر تستفيد من اختراعه بشكل يقلل من المخالطة مع المصابين بالفيروس.

    مقترح