The Definitive Guide to Living in the Capital , Cairo , Egypt

اختيارات كايرو 360: أفضل أماكن الصحة واللياقة والجمال في القاهرة لعام 2018
    بواسطة
    Cairo 360

    وسط مشاغل الحياة بنحتاج ندلع نفسنا شوية. نروح مكان نستجم فيه، نرتاح من الضغوطات، نلعب رياضة أو نهتم بجمالنا وبشرتنا. وكعادة موقع كايرو 360 الخدمي أخترنا لكم الأفضل لعام 2018 سواء في الصحة واللياقة أو في الجمال والاعتناء بالبشرة.

    ما تيجوا نشوف!

    جولدز جيم – Gold’s Gym

    من أكبر الأسماء ما بين منافسيه وسبب شهرته وسمعته الطيبة أنه بيقدم أفضل أجهزة تمارين، كمان متواجد في أماكن مميزة تفتح نفسك على الرياضة.

    هيرز – Hers

     هيرز جيم، فيه كل اللي هتحتاجه المرأة من صالون تجميل وعناية بالأظافر واهتمام باللياقة والجمال، ده غير ورش الزومبا والأيروبكيس اللي بيكسروا ملل الرياضة.

    فيبرز – Fibers

    مشهور في المعادي ومعروف أنه بيوفر لك أفضل معدات ومدربين محترفين مخصوص لك، علشان ينظموا لك جدول تدريباتك. يعني هتعمل فورمة الصيف هتعملها مافيش مفر.

    كيرفز – Curves

    متجاهلين فكرة الجيم المفتوح طوال اليوم ومستخدمين نظام دائري، كيرفز بيوعدك بنتائج مختلفة من مجرد 30 دقيقة تدريبات، في مدينة زي القاهرة دي تعتبر فرصة ذهبية، أوعى تضيعها.

    سامية علوبة – Samia Allouba

    جيم معاصر بيهتم بشدة باللياقة. وبيقدم تدريبات مختلفة ومتنوعة تحت إشراف مدربين متخصصين. ده غير الورش  المميزة اللي بيقدمها في كل فروعه.

    بودي شيبرز – Body Shapers

    بيقدم لك تجربة متميزة علشان تناسب احتياجك الشخصي وشكل جسمك، اللي محتاج تظبطه علشان تلفت الأنظار طول الوقت.

    بول فيت إيجيبت – Pole Fit Egypt

    أنك تقدم رياضة زي Pole Fit فى مصر ده تحدي مش سهل، خاصة لما تبقى بتنشر ثقافة الرقص على عمود من بنات لبنات فقط. ده بيخلي الرياضة ممتعة أكثر ومسلية. وكمان بيقدموها بشكل يبني لياقة للجسم مش رقص بس.

    بي فيت – BeFit

    من الأماكن اللي سمعتها دائمًا سابقاها، مش بس لأنها بتساعد في نشر ثقافة بنى الجسم صح سواء بالأكل الصحي أو بالتمارين المناسبة، لكن كمان الـ Events  اللي المكان بيعمله كل فترة والتانية بيساعد أنه يعلي من الروح التنافسية للمشاركين ده غير طبعًا الـ classes اللي ما تتفوتش من مدربين محترفين عارفين هم بيعملوا إيه.

    فيت بوكس – FitBox

    مش أي حد يمارس رياضة الـ Cross Fit، زي ما مش أي حد بيدي نصائح تساعد جسمك أنه يبني عضلات بشكل سليم. وده اللي بيقدمه بشكل عصري فيت بوكس.

    بروجكت بول – Project Pole

    بعد انتشار فكرة الرقص على عمود للبنات فقط واستحسانها، ظهر بروجكت بول في المعادي. اللي بيقدم تجربة تدريب محترف لا يمكن تتنسى.

    إجينيت – Ignite

     من الأماكن اللي بتقدم روح مختلفة للـ Cross fit، مش هتقدر تقاوم انتعاشك بعد التمارين وهتبقى عاوز تكررها تاني بس أول ما تاخد نفسك.

    أوسانا فاميلي ويلنيس – Osana Family Wellness

    أشبه بمنتجع صحي فيه كل اللي يحسسك بالراحة النفسية ويخلي روحك وجسمك خفاف. سواء بسبب الورش أو الجدول اللي بيبدأ كل يوم بدري جدًا.

    نون سنتر – Nūn Center

    مابين دروس الدفاع عن النفس واليوجا، نون سنتر بتتميز بالتنوع والمرونة. وفي الأغلب أي حاجة هتحب تتعلمها هتلاقيها هناك وبطريقة مبتكرة.

    مودرا يوجا ستوديو – Mudra Yoga Studio

    أما لو بتدوروا على مكان تنسوا فيه همومكم وتسترخوا على الآخر، فمافيش أفضل من مودرا تتعلموا فيه أساسيات اليوجا والصفاء النفسي.

    توا – Toi

    أما لو تحبوا تجربوا تسريحات شعر جديدة، وتتعاملوا مع محترفين متدربين في أفضل المراكز العالمية. يبقى توا هو المكان المناسب ليكم في الزمالك.

    ذا سبا – The Spa

    الفخامة والاحترافية والذوق العالي، هي السمات الأساسية اللي بتميز ذا سبا في فندق كمبنسكي. واللي بيتسخدموا مستخضرات مميزة عضوية.

    سو سبا – So Spa

    سوفتيل الجزيرة في الزمالك هيحقق لك حلم أنك تستجم في حمام السباحة مع منظر النيل. ده غير طبعًا الخدمات المتنوعة اللي بيقدمها. باختصار أنت تحلم وهم هيحققوا لك الحلم.

    ذا نيل سبا – The Nail Spa

    للناس اللي بتحب تدلع نفسها، ذا نيل سبا في المهندسين مجمع كل أدوات الدلع والحركات اللي طالعة موضة جديدة. علشان يوفر جو من الرفاهية والتميز لكل اللي بيروحوا له.

    إندرا داي سبا – Indra Day Spa

    لو عاوز تعيش تجربة آسيوية مالهاش زي، وتجرب أنواع ماساج مختلفة وممتازة، يبقى عليك وعلى إندرا داي سبا. صدقنا هتعيش تجربة فريدة.

    سبا فور سيزونز نايل بلازا – Four Seasons NilePlaza

    إيه رأيك تستمتع بوقتك وتسترخي قدام منظر النيل الرائع؟ وكمان تتمتع بمقبلات خفيفة مالهاش زي. سبا فور سيزونز نايل بلازا بيوفر لك تجربة فريدة من البداية للنهاية.

    مانويلا تاي سبا – Manuela Thai Spa

    سبا للسيدات بس وفيه مزايا ثانية كثير زي الماساج وعلاج البشرة وكل اللي تحتاجيه، علشان تحسي بالإشراق والحيوية.

    محمد الصغير – Mohamed Al Sagheer

    ملوك التسريحات الجديدة والالتزام بالمهنية والاحترافية. أكيد ماحدش يقدر ينكر تميز محمد الصغير في كل فروعه وحفاظه على سمعته. وتكبيره لمحله لحد ما بقى من أشهر سلاسل محلات التجميل والصالونات في مصر.

    لا كوب – La Coupe

    جميل أن من وقت للتاني نكافئ نفسنا بإننا نعمل لها حاجة بتحبها. وده اللي حصل لنا بالضبط مع لا كوب. اللي خدمته ممتازة وسريعة ومرضية لأقصى درجة.

    بيبرس – Bebars

    وبرغم أن كل الأماكن اللي فاتت خاصة بالسيدات إلا أن المكان ده خاص بالرجال، اللي بيحبوا يوفروا لنفسهم تسريحات مختلفة وذوق مميز.

    مقترح