The Definitive Guide to Living in the Capital , Cairo , Egypt

صحة ولياقة

الصحة العالمية تحدد موعد لقاح فيروس كورونا المستجد

تجارب علماء كورونا لقاح منظمة الصحة العالمية
الصحة العالمية تحدد موعد لقاح فيروس كورونا المستجد
    بواسطة
    Omar Abd-elmaqsoud

    في آخر تطورات ومتابعة لأزمة انتشار فيروس كورونا المستجد، منظمة الصحة العالمية نشرت أخبار جديدة النهارده الأحد ونقدر نقول إنها أخبار مطمئنة بنسبة كبيرة، وكان على رأس الأخبار دي خبر عن تطوير لقاح لفيروس كورونا المستجد، واللي قالت المنظمة إنه هياخد حوالي سنة على الأقل علشان يكون جاهز ويتم الإعلان عنه.

    وبشكل مؤكد قال مسؤول في المنظمة إن هيكون فيه “لقاح كورونا” لكن تطويره هياخد سنة على الأقل، وده هيخلق مخاوف من انتشار الفيروس مرة ثانية لو الناس ما التزمتش بعدم الاختلاط والجلو في البيت، وانتهاء إجراءات الحجر الصحي، ومن ناحية ثانية أكد علماء متخصصين إن التجارب السريرية وموافقات السلامة اللازمة للحصول على لقاح عملي في السوق ممكن تاخد 18 شهر.

    التصريحات دي كانت مطمئنة لناس كتير، خصوصًا إنها جت في وقت فيه شركات ودول بتتسابق وبتعمل تجارب وأبحاث علشان تنتج لقاح للفيروس، وصلت لأكثر من 30 تجربة وبحث، كلهم  تحت التطوير حاليا.

    أما المديرة الفنية لبرنامج الطوارئ في منظمة الصحة العالمية “ماريا فان كيرخوف” قكانت قالت في تصريحات سابقة إن عملية إنتاج لقاح لفيروس كورونا المستجد هتم عن طريق استكمال وتطوير الأبحاث واللقحات اللي كانت بدأت مع فيروس “سارس” وفيروس متلازمة الشرق الأوسط التنفسية “ميرس”، وهيتم استخدامها النهارده لفيروس “كوفيد -19” أو كورونا المستجد، واللي هو من نفس عائلة الفيروسات السابقة.

    مقترح