The Definitive Guide to Living in the Capital , Cairo , Egypt

صحة ولياقة

الوقاية هي علاج.. روشتة سهلة لمواجهة فيروس كورونا

الكحول الكلور علاج كورونا غسل الايدين فيروس كورونا هاني الناظر وقاية
الوقاية هي علاج.. روشتة سهلة لمواجهة فيروس كورونا
    بواسطة
    Mohamed Talaat

    الإجراءات الوقائية بقت حاجة بديهية ومهمة ومطلوبة من كل إنسان على وجه الأرض مع انتشار فيروس كورونا المستجد.. والدور اللي بتقوم بيه الحكومات على مستوى العالم مهما كان قوي، لو كان من غير “وعي” فئات كتير من المجتمعات المختلفة للحفاظ على نفسها وأهلها ووطنها من انتشار الفيروس، هيبقى مالوش لازمة.

    وطبقًا لحديث للدكتور “هاني الناظر” أستاذ الأمراض الجلدية، ورئيس المركز القومي للبحوث سابقًا.. فللأسف، فيه عادات كتير بنعملها غلط في مواجهة الفيروس.. وفي السطور اللي جاية هنقولكم على نصائح مهمة تقدروا تحققوا بيها وقاية كاملة بطريقة صحيحة:

    الدكتور هاني الناظر قال في مداخلة تليفزيونية لبرنامج “90 دقيقة” على قناة المحور، إن أشخاص كتير وأكثرهم سيدات بيعملوا عادات غلط في تنظيف البيت وتعقيم الحاجات اللي بنستخدمها بشكل يومي، ومنها مثلًا استخدام الكلور على اليد مباشرةً، وده بيسبب أمراض جلدية زي الإكزيما، وبيهيج الجلد، حتى لو تم خلطه مع خل أو كحول.. لكن ممكن يستخدم الكلور بعد التخفيف في تطهير الحمامات والأرضيات علشان تضمنوا حماية ضد الفيروسات والجراثيم والميكروبات.

    وأكد “الناظر” إن أفضل وسيلة علشان تعقموا إيديكم وتطهروها، هي غسلها كويس بالماء والصابون دايمًا، وبالشكل الصحيح اللي حددتها منظمة الصحة العالمية، وممكن تستخدموا الكحول في التعقيم والتطهير لقتل الفيروسات في حالة تواجدكم خارج البيت واختلطوا بناس، أو بتنقلوا أوراق أو لمستم أسطح مختلفة زي زراير الأساسنسير، ومفيش داعي لاستخدام الكحول في البيت طالما فيه ماء وصابون، إلا لو فيه حد مصاب في البيت، لإن الكحول هيقلل من فرص الإصابة بالعدوى، لكن برده بلاش الزيادة علشان متصابوش بمرض جلدي.

    وكمان الدكتور قال إن أكتر ناس بتتعرض لنزلات البرد هما كبار السن اللي عندهم أمراض مزمنة، وكمان الناس اللي عندهم نقص في المناعة.. وشدد على إن الفئتين دول مينزلوش من البيت نهائي، لإنهم معرضين بشدة للإصابة بالفيروس، وأكد كمان على إن الأشخاص اللي أصيبوا بالفيروس وتم شفائهم، دول مناعتهم قوية، لإن مفيش أي علاج حتى الآن للفيروس، وكمان طالب بالاهتمام في أكبنا بفيتامينات “A – C – E” ومعدن “الزنك”.

    مقترح