The Definitive Guide to Living in the Capital , Cairo , Egypt

صحة ولياقة

بعد إنجازها التاريخي في ألمانيا.. 3 تصريحات لـ “ميار شريف” بطلة مصر في التنس

lميار شريف التنس بطلات من مصر بطولة ألمانيا نساء مصر
بعد إنجازها التاريخي في ألمانيا.. 3 تصريحات لـ “ميار شريف” بطلة مصر في التنس
    بواسطة
    Mohamed Talaat

    القاهرة مليانة نماذج ناجحة في كل المجالات، وميار شريف بطلة مصر في التنس، واللي حصدت مؤخرًا بطولة ألمانيا المفتوحة للتنس والمصنفة الـ 74 عالميًا، واحدة من النماذج الناجحة والمشرفة اللي تستحق كل التقدير.

    وحققت ميار شريف، لقب بطولة كارلسروه المفتوحة للتنس الأرضي بألمانيا، بعد الفوز في المباراة النهائية على الإيطالية مارتينا تريفيسان بنتيجة 2-0 بنتيجة أشواط ( 6- 3، 6- 2) خلال المباراة اللي أقيمت يوم الأحد 12 سبتمبر 2021.

    وفي حوارها مع برنامج “الحكاية”، اللي بيقدمه الإعلامى عمرو أديب على شاشة إم بي سي مصر، قالت “ميار” 3 تصريحات.. تعالوا نعرفهم:

    1 – “ميار” قالت إن حصدها بطولة ألمانيا المفتوحة للتنس وتصنيفها 74 عالميًا، ماكنش أمر سهل، وإنها تعبت جدًا لحد ما ده حصل، وأضافت إنها بذلت مجهود كبير وواجهت تحديات ضخمة لحد ما نجحت في تحقيق الإنجاز ده.

    2 – ميار شريف قالت كمان إن عندها ثقة كبيرة في إنها هتحقق نتائج أفضل خلال الفترة الجاية، وتابعت:”أنا واثقة من نفسي، والنتائج الجاية هتكون أفضل”.

    3 – بطلتنا عبرت كمان عن سعادتها بدعم المصريين لها، وقالت إن ده أكبر حافز معنوي ليها في الإنجازات الرياضية اللي بتحققها، وتابعت:”دعم المصريين والإعلاميين اللي واقفين في ضهري.. أنا مبسوطة بالنتائج اللي حققتها وبشكر ربنا عليها”.

    مقترح