The Definitive Guide to Living in the Capital , Cairo , Egypt

صحة ولياقة

“بيئة خصبة للعدوى”.. 7 نصائح طبية لحمايتك من “كورونا” في المواصلات العامة

عدوى فيروس كورونا كورونا والمواصلات مواصلات نصائح كورونا في المواصلات وقاية
“بيئة خصبة للعدوى”.. 7 نصائح طبية لحمايتك من “كورونا” في المواصلات العامة
    بواسطة
    Mohamed Talaat

    المواصلات العامة في مصر، سواء كانت مترو، أتوبيسات، ميكروباصات، أو حتى قطارات، هي أكثر بيئة خصبة للعدوى بفيروس “كورونا” المستجد (كوفيد 19) بين المواطنين، خاصة إنها بتعتبر من الأماكن المغلقة والمزدحمة في نفس الوقت، لكن فيه 7 نصائح طبية مهمة نشرها مؤخرًا موقع “بيزنس إنسايدر” قادرة تحميكم من خطر الإصابة بالفيروس اللي شادد حيله معانا اليومين دول بسبب موسم الشتاء.

     

    1- حاولوا تفتحوا شبابيك المواصلات العامة، وامنعوا التكييف علشان تتجنبوا العدوى، لأن الفيروس ممكن يكون موجود على الأسطح.

    2- لما تشتروا تذكرة أو تدفعوا الأجرة قللوا التلامس، وكمان لازم تعقموا إيديكم قبل وبعد عملية تسليم واستلام الفلوس والتذكرة.

    3- خلوا فيه مسافة بينكم وبين باقي الركاب، على الأقل متر، لأن التباعد ده بيقلل احتمالية تعرضكم للإصابة بفيروس “كورونا” اللي ممكن ينتشر عن طريق الرذاذ أو السعال.

    4 – لازم تغسلوا إيديكم طول الوقت لمدة 20 ثانية على الأقل، علشان ده هيحافظ على صحتكم، لأن غسيل اليد بالماء والصابون أو الكحول بيقتل الفيروسات والجراثيم.

    5- بصفة عامة، ماتركبوش مواصلات عامة إلا لما تكونوا لابسين كمامة طبية معتمدة تحافظ على صحتكم، وماتمشوش من غيرها أصلًا طول الوقت علشان العدوى ماتتنقلش لكم.

    6- بلاش أي سفريات غير ضرورية الفترة دي، القطارات والطائرات بيئة خصبة للانتقال الفيروس.

    7- متاكلوش أي حاجة داخل المواصلات العامة، وبصفة عامة بلاش أي أكل غير البيت الفترة دي، وأكلكم في البيت لازم يكون صحي.

     

    فريق كايرو 360 بيتمنى لكم السلامة.

    مقترح