The Definitive Guide to Living in the Capital , Cairo , Egypt

علشان صحة قلبك… 7 أكلات لازم تقلل منها
    بواسطة
    Cairo 360

    بعض الأطعمة ممكن تسبب لنا أضرار صحية على القلب، علشان كده مهم نقلل من تناولها، أو حتى نلغيها خالص من حياتنا، وفي السطور الجاية هنتكلم معاكم عن أكتر الأطعمة اللي بتهدد صحة القلب، بحسب متخصيين في التغذية العلاجية.

    1 – الوجبات السريعة، وده لأنها بتحتوى على الدهون المشبعة، واللي بتسبب أضرار صحية فى حالة الإفراط فى تناولها.

    2 – اللحوم المصنعة والمبردة، لاأنها كمان بتحتوى على نسبة عالية من الدهون المشبعة، وحتى لو اخترت أنواع قليلة الدسم منها فهتواجه نفس المشكلة، بسبب إنها بتحتوى على نسبة مرتفعة من الملح.

    3 – الأطعمة المقلية، وده بسبب إن كتير من الدراسات العلمية ربطت بين تناولها وبين زيادة خطر الإصابة بأمراض القلب، وده علشان طرق القلي التقليدية بتتسبب في زيادة الدهون غير المشبعة، وهو نوع من الدهون اللي بيرفع من نسبة الكوليسترول الضار وبيخفض الكويس منه.

    4 – بلاش تكتر من تناول الحلويات لإن ده بدروه بيسبب السمنة، وارتفاع نسبة الكولسترول ومرض السكري ، وكلها عوامل خطر على القلب.

    5 –  المشروبات الغازية والعصائر المحلاة بالسكر، لأنها بتعتبر أكبر مصدر للسكر المضاف، وحتى الأطعمة التي يبان وكأنها جزء من نظام غذائي متوازن، زي حبوب الإفطار، ممكن تكون بتحتوى على سكر.

    6 –  السمن، لإنه بيحتوى على الدهون المشبعة، زي الزبدة اللي ب تزيد من خطر الإصابة بأمراض القلب.

    7 – البيتزا بتحتل المرتبة الثانية في قائمة جمعية القلب الأمريكية للأطعمة من حيث الخطر على القلب، لأنها بتحتوى على الدهون المشبعة، ولو مصر تاكلها يبقى يفضل الاكتفاء بتناول شريحة أو اثنين بس، ويفضل تكون بيتزا الخضروات.

    مقترح