The Definitive Guide to Living in the Capital , Cairo , Egypt

الصورة: Omar Adel

في الصيف، تجربة استخدام مترو الأنفاق بتكون صعبة خاصةً مع الزحام الشديد والحر، لكنه هيظل وسيلة المواصلات الأسرع والأرخص مقارنة بباقي وسائل المواصلات في القاهرة. وعلشان الزحام من الوسائل اللي ممكن تؤدي إلى الإصابة بالأمراض المعدية، اللي بتهدد أصحاب المناعة الضعيفة، هنعرفكم على نصائح علمية مهمة ممكن تحمينا من خطر الإصابة بالأمراض المعدية في مترو الأنفاق.

 

تغطية الفم والأنف

بحسب تقرير طبي نشره موقع الكونسولتو، واحدة من العادات الصحية السليمة، هي تغطية الأنف والفم بالمناديل الورقية أو الكمامات في وسائل المواصلات، لمنع انتقال العدوى من شخص للثاني، واللي بتتم من خلال العطس والسعال.

 

غسل اليدين بطريقة صحية

الجراثيم والميكروبات بتقدر تعيش على الأسطح الخاملة لفترة كبيرة، ممكن تصل إلى شهور، ومنها أبواب المترو، وده بيخلي أيدينا عرضة لخطر الإصابة بها، علشان كدة مهم الاهتمام بغسلها بعد النزول من المترو لمدة لا تقل عن 20 ثانية، باستخدام الماء والصابون، ومن ثم تجفيفها بالمناديل الورقية، وفي حالة عدم توافر المياه، ممكن الاعتماد على جل اليد.

 

 

لا لمشاركة الأدوات الشخصية

بعض الناس بتلجأ في وسائل المواصلات لاستعارة زجاجة مياهمن أشخاص ثانيين أو بعض المناديل الورقية، وده بيؤدي إلى نقل العدوى من المرضى إلى الأصحاء.

 

 شُرب المياه

بصفة عامة، مهم في فصل الصيف شرب كمية كبيرة من المياه، وبالتالي مهم الاحتفاظ بزجاجة منها عند ركوب المواصلات، وتجنب مشاركتها مع الغير.

 

عدم لمس الأنف والعين

بتحتاج الميكروبات إلى بيئة دافئة ورطبة، علشان كدة مهم تجنب لمس الأنف والفم والعين، لأنها من أجزاء الجسم اللي بتنقل من خلالها العدوى والبكتيريا بكل سهولة.