The Definitive Guide to Living in the Capital , Cairo , Egypt

صحة ولياقة

لو بتحب الجري.. دي 5 تطبيقات لازم تكون على موبايلك

تطبيق تغذية جري رياضة سباق سعرات صحة عداء كيلومتر ماراثون مبتديء مسافة موبايل وزن
لو بتحب الجري.. دي 5 تطبيقات لازم تكون على موبايلك
بواسطة
Mohammed Sabry

سواء كنت مبتديء أو محترف في الجري، دي 5 تطبيقات تهمك علشان تمارس الرياضة المهمة دي بشكل سليم.

1- Couch to 5K

التطبيق مناسب للمبتدئين. بيخليك تجري من 20 لـ 30 دقيقة، 3 مرات أسبوعيًا. وده بيأهلك لسباق جري 5 كيلو في 9 أسابيع بس. وأهم مميزاته:

– تقدر تختار من 4 مدربين افتراضيين.

– فيه إشارات بالصوت البشري لإرشادك في التمرين.

– تقدر تسمع أغانيك المفضلة من خلاله.

– بيحسب المسافة والسرعة والخريطة بتاعتك، ومدعم بـ GPS.

– تسجيل تدريباتك ومشاركة تقدمك مع الأصدقاء.

متاح لأندرويد من هنا. وIOS من هنا.

2- RaceRunner

التطبيق ده بيسمحلك بالتنافس مع عدائين تانيين من كل العالم. وتقدر تخلي أصحابك يشاركوا فيه. ده بيخليك تحسن نفسك وأدائك. ومصحوب بتعليقات صوتية، عن مكانك والمسافة اللي قطعتها. وكمان مسافات زمايلك.

متاح لأندرويد من هنا. وIOS من هنا.

3- Nike Run Club

التطبيق ده معمول مخصوص للعدائين. بيوفر كل اللي محتاجه العداء من توجيهات صممها الخبراء. بالإضافة لتحديات أسبوعية وشهرية، بتساعد على المحافظة على المستوى.

متاح لأندرويد من هنا. وIOS من هنا.

4- Running for Weight Loss

لو بتجري علشان تخس، يبقى ده التطبيق اللي انت محتاجه. التطبيق بيجمع بين التمرين السليم  والتغذية الصحيحة. وتقدر تختار من 3 مسويات، حسب قدرتك. وأهم مميزاته:

– سهل الاستخدام.

– تقدر تاخد الصور منه مباشرة خلال التمرين.

– تعليمات صوتية مفصلة لكل تمرين.

– بيضم أكتر من 1000 مقطع موسيقي.

– ممكن مزامنته مع تطبيقات أخرى زي: MapMyRun – FitBit – Health App.

متاح لأندرويد من هنا. وIOS من هنا.

5- Runtastic Running: Run Tracker

تطبيق مناسب للمبتدئين، بيتيح تتبع المسافة، الوقت، السرعة، السعرات الحرارية. وكل حاجة أساسية لتحسين الأداء. ويقدروا من خلاله الدخول في منافسات مع الأصدقاء.

متاح لأندرويد من هنا. وIOS من هنا.

مقترح