The Definitive Guide to Living in the Capital , Cairo , Egypt

“مو صلاح”.. خطر على البيئة
    بواسطة
    Omar Abd-elmaqsoud

    “محمد صلاح” مضر بالبيئة، آه والله زي مابنقولكم كده، تخيلوا؟

    الحكاية يا سيدي إن في قائمة بيئية عالمية بتتعمل كل سنة تحت عنوان “حجم الدمار البيئي الذي يسببه لاعبي كرة القدم” وبتعتمد على بيانات ليها علاقة بإجمالي انبعاثات ثاني أوكسيد الكربون الناتجة عن رحلات سفر كل لاعب على درجة رجال الأعمال، وكمان الرحلات اللي قام بيها للمشاركة في مباريات قارية أو دولية.

    القائمة دي هدفها زيادة الوعي بخطورة ظاهرة التغيير المناخي حول العالم، وفجأة لقينا ابننا النجم اللي مشرفنا “محمد صلاح” في المركز الثامن ضمن قائمة أكثر اللاعبين المساهمين في انبعاث ثاني أكسيد الكربون المضر بالبيئة، بحسب القائمة اللي طلعها موقع (footballpredictions.net).

    ولو حابين تعرفوا أكتر عن القائمة دي هتلاقوها هنا.

    رحلات محمد صلاح الكروية والشخصية بقى يا سيدي تسببت خلال سنة 2019 بس في انبعاث 22.7 طن ثاني أوكسيد الكربون، في مسافة 47,257 كيلومتر.

    مقترح